Білім беру мониторингі шеңберінде жоғары және (немесе) жоғары оқу орнынан кейінгі білім беру ұйымдары ұсынатын әкімшілік деректерді жинауға арналған нысандарды бекіту туралы
Қазақстан Республикасы Ғылым және жоғары білім министрінің 2023 жылғы 27 ақпандағы № 84 бұйрығы
(2024.06.10. берілген өзгерістер мен толықтыруларымен)
«Мемлекеттік статистика туралы» Қазақстан Республикасы Заңының 16-бабының 3-тармағының 2) тармақшасына сәйкес БҰЙЫРАМЫН:
ҚР Ғылым және жоғары білім министрінің 2024.18.09. № 453 бұйрығымен 1-тармақ жаңа редакцияда (2024 ж. 6 қазаннан бастап қолданысқа енгізілді) (бұр.ред.қара)
1. Білім беру мониторингі шеңберінде жоғары және (немесе) жоғары оқу орнынан кейінгі білім беру ұйымдары ұсынатын әкімшілік деректерді жинауға арналған нысандар осы бұйрыққа 1, 2, 3, 4, 5, 6, 7, 8, 9, 10, 11, 12, 13, 14,15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50 және 51 - қосымшаларға сәйкес бекітілсін.
2. Меншік нысанына және ведомстволық бағыныстылығына қарамастан жоғары және (немесе) жоғары оқу орнынан кейінгі білім беру ұйымдары:
1) білім беру саласындағы ақпараттандыру объектілеріне әкімшілік деректерді беруді;
2) нысандарда белгіленген мерзімдерде электрондық форматта әкімшілік деректердің сапалы, дәйекті, уақтылы және жыл сайын берілуін қамтамасыз етсін.
3. Цифрландыру және мемлекеттік қызметтерді автоматтандыру департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық ресми жарияланғаннан кейін оны Қазақстан Республикасы Ғылым және жоғары білім министрлігінің интернет-ресурсында орналастыруды қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының Ғылым және жоғары білім вице-министріне жүктелсін.
5. Осы бұйрық алғаш ресми жарияланғаннан кейін күнтізбелік он күн өткен соң қолданысқа енгізіледі.
| Қазақстан Республикасының Ғылым және жоғары білім министрі | С. Нурбек |
«КЕЛІСІЛДІ»
Қазақстан Республикасы
Стратегиялық жоспарлау және
реформалар агенттігінің
Ұлттық статистика бюросы
