Шығыс Қазақстан облысы азаматтарының жеке меншігінде болуы мүмкін жер учаскелерінің шекті (ең жоғары) мөлшерін белгілеу туралы
Шығыс Қазақстан облысы әкімдігінің 2023 жылғы 12 мамырдағы № 100 бірлескен қаулысы және Шығыс Қазақстан облыстық мәслихатының 2023 жылғы 31 мамырдағы № 3/23-VIII шешімі
(2025.02.05. берілген өзгерістер мен толықтыруларымен)
Қазақстан Республикасы Жер кодексінің 50-бабы 3-тармағына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 1-тармағының 13) тармақшасына, 27-бабы 1-тармағының 8) тармақшасына сәйкес Шығыс Қазақстан облысының әкімдігі ҚАУЛЫ ЕТЕДІ және Шығыс Қазақстан облыстық мәслихаты ШЕШТІ:
1. Шығыс Қазақстан облысы азаматтарының жеке меншігінде болуы мүмкін жер учаскелерінің шекті (ең жоғары) мөлшері осы бірлескен қаулы мен шешімнің қосымшасына сәйкес белгіленсін.
2. Бірлескен «Шығыс Қазақстан облысы азаматтарының жеке меншігінде болуы мүмкін жер учаскелерінің шекті (ең жоғары) мөлшерін белгілеу туралы» Шығыс Қазақстан облысы әкімдігінің 2005 жылғы 30 мамырдағы № 206 қаулысы мен Шығыс Қазақстан облыстық мәслихатының 2005 жылғы 31 мамырдағы № 11/166-III шешімінің (Нормативтік құқықтық актілерді мемлекеттік тіркеу тізілімінде нөмірі 2381 болып тіркелген) күші жойылды деп танылсын.
