Қазақстан Республикасы Сауда және интеграция министрлігінің жанындағы жеке кәсіпкерлік мәселелері жөніндегі сараптамалық кеңестің кейбір мәселелері туралы
Қазақстан Республикасы Сауда және интеграция министрінің 2019 жылғы 13 тамыздағы № 17 бұйрығы
(2024.08.02. берілген өзгерістермен)
«Құқықтық актілер туралы» 2016 жылғы 6 сәуірдегі Қазақстан Республикасының Заңы 65-бабының 3-тармағына сәйкес БҰЙЫРАМЫН:
1. Осы бұйрыққа 1 және 2-қосымшаларға сәйкес Қазақстан Республикасы Сауда және интеграция министрлігінің жанындағы жеке кәсіпкерлік мәселелері жөніндегі сараптамалық кеңестің ережесі және құрамы бекітілсін.
2. Осы бұйрықтың орындалуын бақылау Қазақстан Республикасы Сауда және интеграция министрлігінің жауапты хатшысына жүктелсін.
3. Осы бұйрық қол қойылған күннен бастап күшіне енеді және таратуға жатады.
ҚР Сауда және интеграция Министрінің 2024.08.02. № 86-НҚ бұйрығымен ереже жаңа редакцияда (бұр.ред.қара)
Қазақстан Республикасы
Сауда және интеграция министрінің
2019 жылғы 13 тамыздағы
№ 17 бұйрығына
1-қосымша
Қазақстан Республикасы Сауда және интеграция министрлігінің жанындағы
кәсiпкерлiк мәселелерi жөнiндегi сараптама кеңесі туралы
ереже
1-тарау. Жалпы ережелер
1. Осы Қазақстан Республикасы Сауда және интеграция министрлігінің жанындағы кәсiпкерлiк мәселелерi жөнiндегi сараптама кеңесі туралы ереже (бұдан әрi - Ереже) 2015 жылғы 29 қазандағы Қазақстан Республикасының Кәсіпкерлік кодексіне (бұдан әрi - Кодекс), Қазақстан Республикасы Ұлттық экономика министрінің 2023 жылғы 29 маусымдағы № 127 бұйрығымен бекітілген Кәсіпкерлік мәселелері жөніндегі сараптама кеңестері туралы үлгілік ережеге сәйкес әзiрлендi және Қазақстан Республикасы Сауда және интеграция министрлігінің (бұдан әрі - Министрлік) жанындағы кәсiпкерлiк мәселелерi жөнiндегi сараптама кеңесінің мәртебесін және өкілеттілігін айқындайды.
2. Кәсіпкерлік мәселелері жөніндегі сараптама кеңесі (бұдан әрі - сараптама кеңесі):
