«Павлодар қалалық мәслихат аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесін бекіту туралы
Павлодар облысы Павлодар қалалық мәслихатының 2018 жылғы 16 мамырдағы № 257/35 шешімі
Павлодар облысы Павлодар қалалық мәслихатының 2023 жылғы 24 қарашадағы № 92/9 шешімімен күші жойылды
Қазақстан Республикасының 2015 жылғы 23 қарашадағы «Қазақстан Республикасының мемлекеттік қызметі туралы» Заңының 33-бабы 5-тармағына, Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2018 жылғы 16 қаңтардағы «Мемлекеттік әкімшілік қызметшілердің қызметін бағалаудың кейбір мәселелері туралы» № 13 бұйрығына сәйкес, Павлодар қалалық мәслихаты ШЕШІМ ҚАБЫЛДАДЫ:
1. Қоса беріліп отырған «Павлодар қалалық мәслихат аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесі бекітілсін.
2. Павлодар қалалық мәслихатының 2017 жылғы 15 наурыздағы «Павлодар қалалық мәслихат аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесін бекіту туралы» № 139/18 шешімінің (Нормативтік құқықтық актілерді мемлекеттік тіркеу тізілімінде 2017 жылғы 11 сәуірде № 5456 болып тіркелген, 2017 жылғы 22 сәуірде Қазақстан Республикасының нормативтік құқықтық актілерінің эталондық бақылау банкінде жарияланған) күші жойылды деп танылсын.
3. Осы шешімнің орындалуын бақылау «Павлодар қалалық мәслихаты аппараты» мемлекеттік мекемесінің аппарат басшысына жүктелсін.
4. Осы шешім алғашқы ресми жарияланған соң қолданысқа енгізіледі.
| Сессия төрағасы, қалалық мәслихат хатшысының міндетін атқарушысы | Б. Смағұлов |
Павлодар қалалық мәслихатының
2018 жылғы 16 мамырдағы
№ 257/35 шешімімен бекітілді
«Павлодар қалалық мәслихат аппараты» мемлекеттік мекемесінің
«Б» корпусы мемлекеттік әкімшілік қызметшілерінің қызметін бағалаудың
әдістемесі
1-тарау. Жалпы ережелер
