Солтүстік Қазақстан облысы Ақжар ауданы әкімдігінің кейбір қаулыларының күші жойылды деп тану туралы
Солтүстік Қазақстан облысы Ақжар ауданы әкімдігінің 2024 жылғы 26 қыркүйектегі № 174 Қаулысы
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабы 2-тармағына, Қазақстан Республикасының «Құқықтық актілер туралы» Заңының 27-бабына сәйкес, Солтүстік Қазақстан облысы Ақжар ауданының әкімдігі ҚАУЛЫ ЕТЕДІ:
1. Осы қаулының қосымшасына сәйкес, Солтүстік Қазақстан облысы Ақжар ауданы әкімдігінің кейбір қаулыларының күші жойылды деп танылсын.
2. Осы қаулының орындалуын бақылау Солтүстік Қазақстан облысы Ақжар ауданы әкімінің жетекшілік ететін орынбасарына жүктелсін.
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Солтүстік Қазақстан облысы Ақжар ауданының әкімі | Р. Елубаев |
Солтүстік Қазақстан облысы
Ақжар ауданы әкімдігінің
2024 жылғы 26 қыркүйектегі
№ 174 қаулысына
қосымша
Солтүстік Қазақстан облысы Ақжар ауданы әкімдігінің кейбір күші жойылған қаулыларының
тізбесі
1. «Ақжар ауданы аумағында үгіттік баспа материалдарын орналастыруға арналған орындарды анықтау және сайлаушылармен кездесулер өткізуге арналған үй-жайларды ұсыну туралы» Солтүстік Қазақстан облысы Ақжар ауданы әкімдігінің 2016 жылғы 1 ақпандағы № 17 қаулысы (Нормативтік құқықтық актілерді мемлекеттік тіркеу тізілімінде № 3619 болып тіркелген).
2. «Медициналық білімі бар және Ақжар ауданына жұмыс істеуге келген жас мамандарға бірынғай әлеуметтік көмек төлемін тағайындау туралы» аудан әкімдігінің 2007 жылғы 18 шілдедегі № 243 қаулысына өзгерістер мен толықтырулар енгізу туралы» Солтүстік Қазақстан облысы Ақжар ауданы әкімдігінің 2008 жылғы 21 сәуірдегі № 136 қаулысы (Нормативтік құқықтық актілерді мемлекеттік тіркеу тізілімінде № 13-4-71 болып тіркелген).
