«Б» корпусы мемлекеттік әкімшілік лауазымдарына қойылатын біліктілік талаптарын бекіту туралы
Қазақстан Республикасы Денсаулық сақтау министрінің 2020 жылғы 17 қарашадағы № 734 бұйрығы
(2022.09.08. берілген өзгерістер мен толықтыруларымен)
Осы редакция 2023 жылғы 23 мамырда енгізілген өзгерістеріне дейін қолданылды
«Қазақстан Республикасының мемлекеттік қызметі туралы» Қазақстан Республикасының 2015 жылғы 23 қарашадағы Заңының 17-бабының 4-тармағына, «Қазақстан Республикасы Денсаулық сақтау министрлігінің кейбір мәселелері туралы» Қазақстан Республикасы Үкіметінің 2020 жылғы 22 қыркүйектегі № 596 қаулысына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 13 желтоқсандағы № 85 бұйрығымен бекітілген «Б» корпусының мемлекеттік әкімшілік лауазымдарына үлгілік біліктілік талаптарына және «Қазақстан Республикасы Денсаулық сақтау министрлігі Медициналық және фармацевтикалық бақылау комитетінің және оның аумақтық бөлімшелерінің құрылымы мен штат санын бекіту туралы» 2020 жылғы 4 қарашадағы № 702 және «Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің және оның аумақтық бөлімшелерінің құрылымы мен штат санын бекіту туралы» 2020 жылғы 4 қарашадағы № 705 Қазақстан Республикасы Денсаулық сақтау министрлігінің жауапты хатшысының міндетін атқарушының бұйрықтарына сәйкес БҰЙЫРАМЫН:
1. «Б» корпусы мемлекеттік әкімшілік лауазымдарына қойылатын:
1) осы бұйрыққа 1-қосымшаға сәйкес Қазақстан Республикасы Денсаулық сақтау министрлігі Медициналық және фармацевтикалық бақылау комитетінің (бұдан әрі - МФБК) төрағасы орынбасарларының және аумақтық бөлімшелері басшыларының
2) осы бұйрыққа 2-қосымшаға сәйкес МФБК аумақтық бөлімшелерінің басшылары орынбасарларының;
