Ашық деректердің интернет-порталында орналастырылатын ашық деректер тізбесін бекіту туралы
Шығыс Қазақстан облысы әкімдігінің 2016 жылғы 29 қаңтардағы № 16 Қаулысы
Осы редакция 2018 жылғы 29 наурызда енгізілген өзгерістеріне дейін қолданылды
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 27-бабының 2-тармағына, «Ақпараттандыру туралы» Қазақстан Республикасының 2015 жылғы 24 қарашадағы Заңының 10-бабының 15) тармақшасына сәйкес, «Қазақстан Республикасының «Ақпараттандыру туралы» 2015 жылғы 24 қарашадағы және «Қазақстан Республикасының кейбір заңнамалық актілеріне ақпараттандыру мәселелері бойынша өзгерістер мен толықтырулар енгізу туралы» 2015 жылғы 24 қарашадағы заңдарын іске асыру жөніндегі шаралар туралы» Қазақстан Республикасы Премьер-Министрінің 2015 жылғы 4 желтоқсандағы № 125-ө өкімін орындау үшін Шығыс Қазақстан облысының әкімдігі ҚАУЛЫ ЕТЕДІ:
1. Қоса беріліп отырған Шығыс Қазақстан облысы жергілікті атқарушы органдарының ашық деректердің интернет-порталында орналастырылатын ашық деректер тізбесі бекітілсін.
2. Деректерді ұсынуға жауапты облыстық басқармалар басшылары, қалалар мен аудандар әкімдері аталған деректерді уақтылы және сапалы орналыстыруды және өзектендіруді қамтамасыз етсін.
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Шығыс Қазақстан облысының әкімі | Д. Ахметов |
«КЕЛІСІЛДІ»
Қазақстан Республикасы
Инвестициялар және даму министрі
2016 жылғы «10» ақпан
Ә.Ө. Исекешев
Шығыс Қазақстан облысы әкімдігінің
2016 жылғы 29 қаңтардағы
№ 16 қаулысымен бекітілген
Шығыс Қазақстан облысы жергілікті атқарушы органдарының
ашық деректердің интернет-порталында орналастырылатын ашық деректер
тізбесі
