2023 жылғы 2 маусымға тағайындалған шығып қалған депутаттың орнына Солтүстік Қазақстан облысынан Қазақстан Республикасы Парламенті Сенатының депутатын сайлау өткізу кезінде Қазақстан Республикасы Орталық сайлау комиссиясының Интернет-ресурсының функционалын пайдалану регламентін бекіту туралы
Қазақстан Республикасы Орталық сайлау комиссиясының 2023 жылғы 12 мамырдағы № 73/769 Қаулысы
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабы 1) тармақшасына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:
1. Қоса беріліп отырған 2023 жылғы 2 маусымға тағайындалған шығып қалған депутаттың орнына Солтүстік Қазақстан облысынан Қазақстан Республикасы Парламенті Сенатының депутаты сайлауды өткізу кезінде Қазақстан Республикасы Орталық сайлау комиссиясының Интернет-ресурсының функционалын пайдалану регламенті бекітілсін.
2. Осы қаулы сайлауды дайындау мен өткізуді қамтамасыз ету үшін
Солтүстік Қазақстан аумақтық сайлау комиссиясына жіберілсін.
3. Осы қаулы Қазақстан Республикасы Орталық сайлау комиссиясының Интернет-ресурсында жариялансын.
| Төраға | Н. Әбдіров |
| Хатшы | М. Ерман |
Қазақстан Республикасы
Орталық сайлау комиссиясының
2023 жылғы 12 мамырдағы
№ 73/769 қаулысымен бекітілген
2023 жылғы 2 маусымға тағайындалған шығып қалған дерутаттың орнына Солтүстік Қазақстан облысынан Қазақстан Республикасы Парламенті Сенатының депутатын сайлау өткізу кезінде Қазақстан Республикасы Орталық сайлау комиссиясының Интернет-ресурсының функционалын пайдалану
РЕГЛАМЕНТІ
1. Негізгі ұғымдар
1. Осы Қазақстан Республикасы Орталық сайлау комиссиясының Интернет-ресурсының функционалын пайдалану регламенті 2023 жылғы 2 маусымға тағайындалған шығып қалған депутаттың орнына Солтүстік Қазақстан облысынан Қазақстан Республикасы Парламенті Сенатының депутатын сайлауды өткізу кезінде дауыс берудің алдын ала қорытындыларын көрсете отырып, таңдаушыларды электрондық тіркеуді жүзеге асыру үшін ұйымдастырушылық және техникалық талаптарды (бұдан әрі-Регламент) белгілейді.
