Қостанай қаласының 2022-2024 жылдарға арналған бюджеті туралы
Қостанай облысы Қостанай қаласы мәслихатының 2021 жылғы 24 желтоқсандағы № 79 шешімі
(2022.20.04. берілген өзгерістермен)
Осы редакция 2022 жылғы 21 маусымда енгізілген өзгерістеріне дейін қолданылды
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабына сәйкес Қостанай қалалық мәслихаты ШЕШТІ:
Қостанай облысы Қостанай қаласы мәслихатының 2022.28.01. № 85 шешімімен (бұр.ред.қара); 2022.20.04. № 110 шешімімен (бұр.ред.қара) 1-тармақ жаңа редакцияда
1. Қостанай қаласының 2022-2024 жылдарға арналған бюджеті тиісінше 1, 2 және 3-қосымшаларға сәйкес, оның ішінде 2022 жылға мынадай көлемдерде бекітілсін:
1) кірістер – 72087528,4 мың теңге, оның iшiнде:
салықтық түсімдер бойынша – 45266862,0 мың теңге;
салықтық емес түсімдер бойынша – 93661,0 мың теңге;
негiзгi капиталды сатудан түсетiн түсiмдер бойынша – 7275245,0 мың теңге;
трансферттер түсімі бойынша – 19451760,4 мың теңге;
2) шығындар – 77535001,0 мың теңге;
3) таза бюджеттiк кредиттеу – 276199,0 мың теңге;
4) қаржы активтерімен операциялар бойынша сальдо – 3417079,4 мың теңге;
5) бюджет тапшылығы (профициті) – - 8588353,0 мың теңге;
6) бюджет тапшылығын қаржыландыру (профицитін пайдалану) – 8588353,0 мың теңге.
2. 2022 жылға арналған қала бюджетінен облыстық бюджетке бюджеттік алып қоюлар көлемі 20922381,0 мың теңге сомасында белгіленсін.
3. 2022 жылға арналған қала бюджетіне облыстық бюджеттен берілетін бюджеттік субвенциялардың көлемі 0 теңгені құрайтыны ескерілсін.
4. 2021 жылға арналған қалалық бюджетте ағымдағы нысаналы трансферттер түсімінің көзделгені ескерілсін, оның ішінде:
мемлекеттік халықты әлеуметтік қорғау ұйымдарында арнаулы қызмет көрсететін жұмыскерлердің жалақысына қосымша ақылар белгілеуге 174130,0 мың теңге сомасында;
азаматтық қызметшілердің, мемлекеттік бюджет қаражаты есебінен ұсталатын ұйымдардың қызметкерлерінің, қазыналық кәсіпорындардың қызметкерлерінің жекелеген санаттарының еңбек ақысын арттыруға 159394,0 мың теңге сомасында;
