ҚР СТ ИСО 7511-2010
Пластмасса құбыржолдар жүйесі
Термореактивті шыны икемділерден жасалған құбырлар мен фитингілер (GRP)
Қысқа мерзімді ішкі қысымның әсерінен қабырғалардың саңылаусыздығын
тексеруге арналған сынақ әдістері
(ISO 7511:1999, IDT)
Мазмұны
1. Қолданылу саласы
2. Терминдер мен анықтамалар
3. А әдісі
4. В әдісі
1. Қолданылу саласы
Осы стандарт қысқа мерзімді ішкі қысымның әсеріндегі термореактивті шыны икемділерден (GRP) жасалған құбырлар мен фитингілердің саңылаусыздығын тексеру үшін, екі әдісті, А әдісі мен В әдісін белгілейді.
А әдісі бір осьті кернеудегі құбырларға қолданылатын гидравликалық сынақ болып табылады.
В әдісі фитингілерге қолданылатын, пневматикалық сынақ болып табылады.
ЕСКЕРТПЕ Құбыржол қосылыстарының қымтақтығына немесе құбырлардың ұзақ мерзімді гидростатикалық қысымға тұрақтылығына сынау әдістері басқа стандарттарда қарастырылады.
2. Терминдер мен анықтамалар
Осы стандартта сәйкес келетін анықтамалары бар мынадай термин қолданылады:
2.1 Ағу (leakage): Сырттай байқаумен анықталатын, судың немесе ауаның сынақ үлгісі қабырғасының үстінен өтуі.
3. А әдісі
3.1 Принцип
Сынақ үлгісі ауада судың ішкі қысымы әсеріне ұшырайды. Бұл ретте белгіленген уақыт ішінде, сынақ үлгісі қабырғасының үстінен ағудың болмағандығын байқайды.
ЕСКЕРТПЕ Мынадай сынақ параметрлері осы стандартқа сілтеме берілетін стандартта белгіленеді:
a) оның қолжетімділігі үшін қажетті, сынақ қысымы және уақыт (3.2.1 және 3.4.2 қарау);
b) қолданылуға тиісті сынақ үлгілерінің саны (3.3 қарау);
c) қысым салынатын кезең (3.4.3 қарау);
d) сынақ үлгісінің ұзындығы L.
3.2 Аппаратура
3.2.1 Минус 2%-дан 5% дейін дәлдікпен сынақ үлгісінің жоғары бөлігінде өлшенетін, белгіленген гидравликалық қысымды сынақ уақытында ұстауға қабілетті айдауыш жүйе.
3.2.2 3.2.1 сәйкес келу үшін жеткілікті дәлдікпен қысымды өлшейтін құрылғы.
