Ақмола облысы әкімдігінің қаулыларына өзгерістер мен толықтырулар енгізу туралы
Ақмола облысы әкімдігінің 2017 жылғы 16 қазандағы № А-10/469 Қаулысы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының2001 жылғы 23 қаңтардағы, «Ерекше қорғалатын табиғи аумақтар туралы» 2006 жылғы 7 шілдедегі заңдарына сәйкес, Ақмола облысының әкімдігі ҚАУЛЫ ЕТЕДІ:
1. Осы қаулының қосымшасына сәйкес Ақмола облысы әкімдігінің қаулыларына өзгерістер мен толықтырулар енгізілсін.
2. Осы қаулының орындалуын бақылау Ақмола облысы әкімінің орынбасары Е.Я. Каппельге жүктелсін.
3. Осы қаулы Ақмола облысының Әділет департаментінде мемлекеттік тіркелген күнінен бастап күшіне енеді және ресми жарияланған күнінен бастап қолданысқа енгізіледі.
Ақмола облысы әкімдігінің
2017 жылғы 16 қазандағы
№ А-10/469 қаулысына
қосымша
Өзгерістер мен толықтырулар енгізілетін Ақмола облысы әкімдігі қаулыларының
тізбесі
1. «Бурабай» мемлекеттік ұлттық табиғи паркінің қорғалу аймағын белгілеу туралы» Ақмола облысы әкімдігінің 2007 жылғы 23 қаңтардағы № А-2/22 қаулысына (Нормативтiк құқықтық актiлерді мемлекеттік тіркеу тізілімінде № 3217 болып тіркелген, 2007 жылғы 20 наурызда «Арқа ажары» және «Акмолинская правда» газеттерінде жарияланған) келесі өзгерістер енгізілсін:
көрсетілген қаулымен бекітілген «Бурабай» мемлекеттік ұлттық табиғи паркінің қорғалу аймағы аумағында табиғатты пайдалану қағидаларында:
3-тармақ жаңа редакцияда жазылсын:
«3. Мемлекеттiк ұлттық табиғи парктердің қорғау аймақтарында:
1) мемлекеттік ұлттық табиғи парктің экологиялық жүйелеріне зиянды әсер ететін объектілер орналастыруға, жобалауға, салуға және пайдалануға, жаңа технологияларды енгізуге;
2) ластаушы заттар мен сарқынды суларды атмосфераға шығару және ашық су көздері мен рельефке төгуге;
3) пайдалы қазбалар өндіруге;
4) аң аулауға;
5) радиоактивті материалдар мен өнеркәсіптік қалдықтарды көмуге;
