Кеден одағы Комиссиясының және Еуразиялық экономикалық комиссия Алқасының шешімдеріне өзгерістер енгізу туралы
Еуразиялық экономикалық комиссия Алқасының 2019 жылғы 21 мамырдағы № 83 шешімі
Осы шешімге өзгерістер енгізу туралы Еуразиялық экономикалық комиссия Алқасының 2023 жылғы 30 мамырдағы № 73 шешімін қараңыз
Еуразиялық экономикалық одақтың Кеден кодексі 105-бабының 5-тармағына және Еуразиялық экономикалық комиссия туралы ереженің (2014 жылғы 29 мамырдағы Еуразиялық экономикалық одақ туралы шартқа № 1 қосымша) 14-тармағына сәйкес Еуразиялық экономикалық комиссия Алқасы шешті:
1. Қосымшаға сәйкес Кеден одағы Комиссиясының және Еуразиялық экономикалық комиссия Алқасының шешімдеріне өзгерістер енгізілсін.
2. Осы Шешім 2020 жылғы 1 ақпаннан бастап күшіне енеді.
| Еуразиялық экономикалық комиссия Алқасының Төрағасы | Т. Саркисян |
Еуразиялық экономикалық
комиссия Алқасының
2019 жылғы 21 мамырдағы
№ 83 шешіміне
ҚОСЫМША
Кеден одағы Комиссиясының және Еуразиялық экономикалық комиссия Алқасының шешімдеріне енгізілетін
ӨЗГЕРІСТЕР
1. Кеден одағы Комиссиясының «Кедендік декларацияларды толтыру және кедендік декларациялардың нысандары жөніндегі нұсқаулықтар туралы» 2010 жылғы 20 мамырдағы № 257 шешімінде:
а) атауы мынадай редакцияда жазылсын:
«Тауарларға арналған декларацияның нысаны және оны толтыру тәртібі туралы»;
б) кіріспеде «Кеден одағының Кеден кодексінің 180-бабына» деген сөздер «Еуразиялық экономикалық одақтың Кеден кодексі 105-бабының 5-тармағына» деген сөздермен ауыстырылсын;
в) 1-тармақта:
«Тауарларға арналған декларацияны толтыру тәртібі туралы нұсқаулық» деген сөздер «Қоса беріліп отырған Тауарларға арналған декларацияның нысаны және оны толтыру тәртібі» деген сөздермен ауыстырылсын;
«(бұдан әрі - Нұсқаулық) (1-қосымша)»және»(бұдан әрі - Нысан) (2-қосымша)»деген сөздер алып тасталсын;
г) 2, 3 және 5-тармақтардың күші жойылды деп танылсын;
д) көрсетілген Шешіммен бекітілген Тауарларға арналған декларацияны толтыру тәртібі туралы нұсқаулықта:
атауы мынадай редакцияда жазылсын:
«Тауарларға арналған декларацияны толтыру тәртібі»;
мәтін бойынша:
