2000 жылғы 30 қарашадағы Тәуелсіз Мемлекеттер Достастығына қатысушы мемлекеттердің есірткі
құралдарының, психотроптық заттар мен олардың прекурсорларының заңсыз айналымына
қарсы күрестегі ынтымақтастығы туралы келісімге
өзгерістер енгізу туралы
ХАТТАМА
(Мәскеу қ. 2019 жылғы 25 қазанда)
2020 ж. 25 қыркүйекте күшіне енді
Бұдан әрі Тараптар деп аталатын, 2000 жылғы 30 қарашадағы Тәуелсіз Мемлекеттер Достастығына қатысушы мемлекеттердің есірткі құралдарының, психотроптық заттар мен олардың прекурсорларының заңсыз айналымына қарсы күрестегі ынтымақтастығы туралы келісімге (бұдан әрі - Келісім) қатысушы мемлекеттердің Үкіметтері,
есірткілердің, психотроптық заттардың, сол тектестердің, туындыларының, сондай-ақ прекурсорлар мен психобелсенді заттардың заңсыз айналымына қарсы күрес саласында ынтымақтастықты жетілдіруге ұмтыла отырып,
Келісімнің 18-бабын басшылыққа ала отырып,
төмендегілер туралы келісті:
1-бап
Келісімге мынадай өзгерістер енгізілсін:
1. Мынадай мазмұндағы 1.1-баппен толықтырылсын:
«1.1-бап Пайдаланылатын терминдер
Осы Келісімнің мақсаттары үшін пайдаланылатын терминдердің мынадай мағыналары бар:
есірткі мен прекурсорлардың ұлттық тізімі (бұдан әрі - ұлттық тізім) - тиісті халықаралық конвенциялар мен ТМД-ға қатысушы мемлекеттердің заңнамасы негізінде белгілі бір тізімге біріктірілген бақылауға жататын есірткі мен прекурсорлар тізбесі;
есірткі - ТМД-ға қатысушы мемлекеттердің аумағында айналымына тыйым салынған немесе шектелген және бақылауға жататын, тиісті халықаралық конвенцияларда осылай жіктелген және (немесе) ұлттық тізімге енгізілген шығу тегі синтетикалық немесе табиғи заттар, препараттар, өсімдіктер;
психотроптық заттар - ТМД-ға қатысушы мемлекеттердің аумағында айналымына тыйым салынған немесе шектелген және бақылауға жататын тиісті халықаралық конвенцияларда осылай жіктелген және (немесе) ұлттық тізімге енгізілген шығу тегі синтетикалық немесе табиғи заттар, препараттар, өсімдіктер, сондай-ақ кез келген табиғи материалдар;
препараттар - құрамында ұлттық тізімге енгізілген бір немесе бірнеше есірткі және (немесе) психотроптық заттар бар, кез келген физикалық күйдегі заттар қоспасы;
