«Қазақстандық тұрғын үй компаниясы» акционерлік қоғамының сатып алумен жалға тұрғын үй беруін реинжиниринг арқылы «Жылжымайтын мүлікке құқықтарды (ауыртпалықтарды) мемлекеттік тіркеу» мемлекеттік қызметін көрсету жөніндегі пилоттық жобаны іске асыру туралы
Қазақстан Республикасының Цифрлық даму, инновациялар және аэроғарыш өнеркәсібі министрінің 2025 жылғы 19 сәуірдегі № 166/НҚ және Қазақстан Республикасы Әділет министрінің 2025 жылғы 30 сәуірдегі № 236 бірлескен бұйрығы
«Мемлекеттік көрсетілетін қызметтер туралы» Қазақстан Республикасы Заңының 22-бабына сәйкес, БҰЙЫРАМЫЗ:
1. «Қазақстандық тұрғын үй компаниясы» акционерлік қоғамының сатып алумен жалға тұрғын үй беруін реинжиниринг арқылы «Жылжымайтын мүлікке құқықтарды (ауыртпалықтарды) мемлекеттік тіркеу» мемлекеттік қызметін көрсету жөніндегі пилоттық жоба (бұдан әрі - пилоттық жоба) іске асырылсын.
2. «Қазақстандық тұрғын үй компаниясы» акционерлік қоғамының сатып алумен жалға тұрғын үй беруін реинжиниринг арқылы жылжымайтын мүлікке құқықтарды (ауыртпалықтарды) мемлекеттік тіркеу Алгоритмі осы бұйрықтың қосымшасына сәйкес бекітілсін.
3. Пилоттық жобаға қатысатын, мемлекеттік қызметтер көрсету үшін ақпараттық жүйелерді ұсынатын, ұйымдар:
1) «Smart Bridge» арқылы дербес деректерге қол жеткізуді мемлекеттік бақылаудың сервисіне (бұдан әрі - ДҚБ сервисі) қосылуды қамтамасыз етсін;
2) Пилоттық жоба шеңберінде қызметтер көрсету кезінде Қазақстан Республикасының дербес деректер және оларды қорғау, жылжымайтын мүлікке құқықтарды (ауыртпалықтарды) мемлекеттік тіркеу туралы заңнамасына сәйкес, ДҚБ сервисі арқылы дербес деректер субъектісінің немесе оның заңды өкілінің келісімін алуды қамтамасыз етсін.
