Арыс қаласының аумағында сайлау учаскелерін құру туралы
Түркістан облысы Арыс қаласы әкімінің 2018 жылғы 2 қарашадағы № 10 шешімі
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 23 бабының 1-тармағына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 33 бабының 2-тармағына сәйкес Арыс қаласының әкімі ШЕШІМ ҚАБЫЛДАДЫ:
1. Арыс қаласы аумағында сайлауды ұйымдастыру және өткізу үшін сайлау учаскелері осы шешімнің қосымшасына сәйкес құрылсын.
2. Арыс қаласы әкімінің 2016 жылғы 21 қаңтардағы № 1 «Сайлау учаскелерін құру туралы» (Нормативтік құқықтық актілерді мемлекеттік тіркеу тізілімінде № 3553 тіркелген, 2016 жылғы 26 қаңтардағы «Арыс ақиқаты» газетінде жарияланған) шешімінің күші жойылды деп танылсын.
3. Арыс қаласы «Әкімінің аппараты» мемлекеттiк мекемесi Қазақстан Республикасының заңнамалық актiлерiнде белгiленген тәртiпте:
1) осы шешiмнiң аумақтық әдiлет органында мемлекеттiк тiркелуiн;
2) осы әкiм шешiмi мемлекеттiк тiркелген күнiнен бастап күнтiзбелiк он күн iшiнде оның көшiрмесiн қағаз және электрондық түрде қазақ және орыс тiлдерiнде «Республикалық құқықтық ақпарат орталығы» шаруашылық жүргiзу құқығындағы республикалық мемлекеттiк кәсiпорнына Қазақстан Республикасы нормативтiк құқықтық актiлерiнiң эталондық бақылау банкiне ресми жариялау және енгiзу үшiн жолданылуын;
3) осы шешiм мемлекеттiк тiркелген күнiнен бастап күнтiзбелiк он күн iшiнде оның көшiрмесiн Арыс қаласының аумағында таратылатын мерзiмдi баспа басылымдарында ресми жариялауға жолданылуын;
4) ресми жарияланғаннан кейiн осы шешiмдi Арыс қаласы әкімдігінің интернет-ресурсына орналастыруын қамтамасыз етсiн.
4. Осы шешімнің орындалуын бақылау қала әкімі аппаратыныңбасшысы Т.Анашбековке жүктелсін.
5. Осы шешім оның алғашқы ресми жарияланған күнінен бастап қолданысқа енгізіледі.
