«Приозерск қаласының жұмыспен қамту және әлеуметтік бағдарламалар бөлімі» мемлекеттік мекемесінің ережесін бекіту туралы
Қарағанды облысы Приозерск қаласының әкімдігінің 2025 жылғы 11 наурыздағы № 10/44 Қаулысы
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес Приозерск қаласының әкімдігі ҚАУЛЫ ЕТЕДІ:
1. «Приозерск қаласының жұмыспен қамту және әлеуметтік бағдарламалар бөлімі» мемлекеттік мекемесінің Ережесі осы қаулының қосымшасына сәйкес жаңа редакцияда бекітілсін.
2. Приозерск қаласы әкімдігінің 2016 жылғы 22 желтоқсандағы № 49/6 «Приозерск қаласының жұмыспен қамту және әлеуметтік бағдарламалар бөлімі» мемлекеттік мекемесінің ережесін бекіту туралы» қаулысының күші жойылды деп танылсын.
3. Осы қаулының орындалуын бақылау Приозерск қаласы әкімінің орынбасары Ұ.А. Алмасқа жүктелсін.
4. Осы қаулы оның алғашқы ресми жарияланған күнінен бастап қолданысқа енгізіледі.
| Қала әкімінің м.а. | Т. Айдарханов |
Приозерск қаласы әкімдігінің
2025 жылғы 11 наурыз
№ 10/44 қаулысымен бекітілген
«Приозерск қаласының жұмыспен қамту және әлеуметтік бағдарламалар бөлімі» мемлекеттік мекемесінің
ережесі
1 тарау. Жалпы ережелер
1. «Приозерск қаласының жұмыспен қамту және әлеуметтік бағдарламалар бөлімі» мемлекеттік мекемесі (бұдан әрі - мемлекеттік мекеме) жұмыспен қамту және әлеуметтік бағдарламалар салаларында басшылықты жүзеге асыратын Қазақстан Республикасының мемлекеттік органы болып табылады.
2. Мемлекеттік мекеменің ведомстволары жоқ.
3. Мемлекеттік мекеме өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
