Бейнеу, Қарақия, Мұнайлы, Түпқараған аудандарының және Ақтау қаласының аумақтарында карантиндік режимді енгізе отырып, карантинді аймақты белгілеу туралы
Маңғыстау облысы әкімдігінің 2021 жылғы 30 сәуірдегі № 96 Қаулысы
Осы редакция 2021 жылғы 3 желтоқсанда енгізілген өзгерістеріне дейін қолданылды
Қазақстан Республикасының «Өсімдіктер карантині туралы» және «Құқықтық актілер туралы» заңдарына сәйкес, «Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитетінің Маңғыстау облыстық аумақтық инспекциясы» мемлекеттік мекемесінің 2021 жылғы 24 ақпандағы № 01-43/149, 2021 жылғы 18 наурыздағы № 01-43/210 және Маңғыстау облысының Әділет департаментінің 2020 жылғы 19 қазандағы № 05-14-1703 ұсыныстарының негізінде Маңғыстау облысының әкімдігі ҚАУЛЫ ЕТЕДІ:
1. Осы қаулының 1 қосымшасына сәйкес Бейнеу, Қарақия, Мұнайлы, Түпқараған аудандарының және Ақтау қаласының аумақтарында карантиндік режимді енгізе отырып карантинді аймақ белгіленсін.
2. Осы қаулының 2 қосымшасына сәйкес тізбе бойынша Маңғыстау облысы әкімдігінің кейбір қаулыларының күші жойылды деп танылсын.
3. «Маңғыстау облысының ауыл шаруашылығы басқармасы» мемлекеттік мекемесі (С.С. Қалдығұл) осы қаулының әділет органдарында мемлекеттік тіркелуін қамтамасыз етсін.
4. Осы қаулының орындалуын бақылау Маңғыстау облысы әкімінің орынбасары Ғ.М. Ниязовқа жүктелсін.
5. Осы қаулы әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Маңғыстау облысының әкімі | С. Трумов |
Маңғыстау облысы әкімдігінің
2021 жылғы 30 сәуірдегі
№ 96 қаулысына 1 қосымша
Бейнеу, Қарақия, Мұнайлы, Түпқараған аудандарының және Ақтау қаласының аумақтарында карантиндік режимді енгізе отырып, белгіленетін карантиндік аймақ
