«Байғанин ауданының жергілікті қоғамдастық жиналысының Регламентін бекіту туралы» Байғанин аудандық мәслихатының 2018 жылғы 6 маусымдағы № 158 шешіміне өзгеріс енгізу туралы
Ақтөбе облысы Байғанин аудандық мәслихатының 2021 жылғы 12 қарашадағы № 75 шешімі
Байғанин аудандық мәслихаты ШЕШТІ:
1. «Байғанин ауданының жергілікті қоғамдастық жиналысының Регламентін бекіту туралы» Байғанин аудандық мәслихатының 2018 жылғы 6 маусымдағы № 158 (Нормативтік құқықтық актілерді мемлекеттік Тіркеу тізілімінде № 3-4-174 болып тіркелген) шешіміне келесі өзгеріс енгізілсін:
көрсетілген шешіммен бекітілген Байғанин ауданының жергілікті қоғамдастық жиналысының Регламенті осы шешімнің қосымшасына сәйкес жаңа редакцияда мазмұндалсын.
2. Осы шешім оның алғашқы ресми жарияланған күнінен бастап қолданысқа енгізіледі.
| Байғанин аудандық мәслихат хатшысы | Е. Копжасаров |
Байғанин аудандық мәслихатының
2021 жылғы 12 қарашадағы
№75 шешіміне қосымша
Байғанин аудандық мәслихатының
2018 жылғы 6 маусымдағы
№ 158 шешімімен бекітілген
Байғанин ауданының жергілікті қоғамдастық жиналысының
Регламенті
1-тарау. Жалпы ережелер
1. Осы Байғанин ауданының жергілікті қоғамдастық жиналысының Регламенті (бұдан әрі – Регламент) «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының (бұдан әрі – Заң) 39-3 бабының 3-1 тармағына сәйкес әзірленді.
2. Осы Регламентте қолданылатын негізгі ұғымдар:
1) жергілікті қоғамдастық – шекараларында жергілікті өзін-өзі басқару жүзеге асырылатын, оның органдары құрылатын және жұмыс істейтін тиісті әкімшілік-аумақтық бөлініс аумағында тұратын тұрғындардың (жергілікті қоғамдастық мүшелерінің) жиынтығы;
2) жергілікті қоғамдастық жиналысы (бұдан әрі – жиналыс) – жергілікті қоғамдастық жиыны жіберген жергілікті қоғамдастық өкілдерінің Қазақстан Республикасының заңнамасында белгіленген шекте және тәртіппен жергілікті маңызы бар ағымдағы мәселелерді шешуге қатысуы;
