Осы редакция 2016 жылғы 27 мамырға енгізілген өзгерістеріне дейін қолданылды
Қазақстан Республикасы
Ауыл шаруашылығы министрінің
2014 жылғы 10 қазандағы
№ 3-3/517 бұйрығына
1-қосымша
Сүттілі және сүтті-еттілі бағыттағы ірі қара малды бағалау бойынша
нұсқаулық
1. Жалпы ережелер
1. Сүттілі және сүттілі-еттілі бағыттағы ірі қара малды бағалау бойынша нұсқаулық (бұдан әрі - Нұсқаулық) 2014 жылғы 9 шіледегі Қазақстан Республикасының «Асыл тұқымды мал шаруашылығы туралы» заңының 13-бабының 4) тармақшасына сәйкес әзірленіп, сүттілі және сүттілі-еттілі бағыттағы ірі қара малды бағалауды нақтылай түседі.
2. Сүттілі және сүттілі-еттілі бағыттағы ірі қара малды бағалау бағалаушымен (сыныптаушы) жүргізіледі.
2. Сүттілі және сүтті-еттілі бағыттағы ірі қара малды бағалауды ұйымдастыру
3. Ірі қара малды (бұдан әрі -ІҚМ) жыл ішінде бағалайды:
1) бұқаларды жылына бір рет;
2) сиырларды сауым маусымы аяқталғаннан кейін;
3) торпақтар мен асыл тұқымды бұқашықтарды 6 айлық жас шамасынан бастап.
4. Сұрыптаудың нәтижелері бойынша 1 қазан сәтіне есеп әзірленеді.
5. ІҚМ бағалау кезінде малдың кешенді белгілері бағаланады (тұқымдығы, өнімділік сапасы, экстерлік-сыртқы пішін айырмашылықтары).
6. Жануарлардың тұқымдық деңгейін есеп құжаттарына сүйене отырып жануарларды міндетті түрде қарап шығумен және осы Нұсқаулықтың 1-қосымшасымен берілген тұқымдылық үлесінің түр әлпетінде айқындығын белгілеу арқылы анықталады.
7. Тұқымдығы бойынша таза тұқымды және будандарға бөлінеді.
8. Таза тұқымдылықтарға жатқызады:
1) әке-шешесі бір тұқымнан шыққан жануарларды, олардың таза тұқымдылығына тиісті құжаттар арқылы дәлелденген жағдайда;
2) төртінші (15/16 қанды) буынынан бастап сіңіру будандастыру арқылы алынған, егер оларға тегі бары жөнінде құжаттар бар болса және осы жануарлардың түр әлпеті жақсартушы тұқыммен жақсы үйлесілімділігі айқын болса;
