2019-2021 жылдарға арналған қалалық бюджеті туралы
Ақмола облысы Көкшетау қалалық мәслихатының 2018 жылғы 21 желтоқсандағы № С-26/6 шешімі
Осы редакция 2019 жылғы 28 наурызда енгізілген өзгерістеріне дейін қолданылды
Қазақстан Республикасының 2008 жылғы 4 желтоқсандағы Бюджет кодексінің 9-бабының 2-тармағына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы 1-тармағының 1) тармақшасына сәйкес, Көкшетау қалалық мәслихаты ШЕШІМ ҚАБЫЛДАДЫ:
1. 2019-2021 жылдарға арналған қалалық бюджет тиісінше 1, 2 және 3-қосымшаларға сәйкес, оның ішінде 2019 жылға келесі көлемдерде бекітілсін:
1) кірістер - 30 317 923,0 мың теңге, соның ішінде:
салықтық түсімдер - 21 940 282,0 мың теңге;
салықтық емес түсімдер - 125 860,0 мың теңге;
негізгі капиталды сатудан түсетін түсімдер - 797 026,0 мың теңге;
трансферттер түсімі - 7 454 755,0 мың теңге;
2) шығындар - 31 371 015,0 мың теңге;
3) таза бюджеттік кредиттеу - -137 423,0 мың теңге, соның ішінде:
бюджеттік кредиттер - 110 600,0 мың теңге;
бюджеттік кредиттерді өтеу - 248 023,0 мың теңге;
4) қаржы активтерімен операциялар бойынша сальдо - 0 теңге, соның ішінде:
қаржы активтерін сатып алу - 0 теңге;
5) бюджет тапшылығы (профициті) - - 915 669,0 мың теңге;
6) бюджет тапшылығын қаржыландыру (профицитін пайдалану) - 915 669,0 мың теңге мың теңге.
2. Қазақстан Республикасы Бюджет кодексінің 52 бабының 1 тармағына сәйкес кірістерді бөлу нормативтері келесі мөлшерінде белгіленді:
1) облыстық бюджетке төлем көзінен ұсталатын табыстан жеке табыс салығы бойынша - 100%;
2) Көкшетау қаласының бюджетіне әлеуметтік салық бойынша - 100%.
3. Қала бюджетінің шығындарында 7 560 483,0 мың теңге сомасында облыс бюджетіне бюджеттік алымдар алу қаралғандығы ескерілсін.
4. Қала бюджетінің шығындарында 177 423,0 мың теңге сомасында кент, ауылдық округ бюджетіне бюджеттік субвенциялар қаралғандығы ескерілсін, соның ішінде:
Краснояр ауылдық округіне 117 825,0 мың теңге сомасында;
Станционный кентіне 59 598,0 мың теңге сомасында.
