Атырау облыстық мәслихатының 2019 жылғы 16 шілдедегі № 343-VІ «Атырау облысындағы жерлеу және қабірлерді қарап-күту жөніндегі істі ұйымдастырудың қағидаларын бекіту туралы» шешіміне өзгерістер енгізу туралы
Атырау облыстық мәслихатының 2022 жылғы 14 желтоқсандағы № 223-VII шешімі
Атырау облыстық мәслихаты ШЕШТІ:
1. Атырау облыстық мәслихатының 2019 жылғы 16 шілдедегі № 343-VІ «Атырау облысындағы жерлеу және қабірлерді қарап-күту жөніндегі істі ұйымдастырудың қағидаларын бекіту туралы» (Нормативтік құқықтық актілерді мемлекеттік тіркеу тізілімінде № 4475 болып тіркелген) шешіміне келесі өзгерістер енгізілсін:
тақырып мынадай редакцияда жазылсын:
«Атырау облысы бойынша жерлеудің және зираттарды күтіп ұстау ісін ұйымдастырудың қағидаларын бекіту туралы»;
1-тармақ мынадай редакцияда жазылсын:
«1. Қоса беріліп отырған Атырау облысы бойынша жерлеудің және зираттарды күтіп ұстау ісін ұйымдастырудың қағидалары бекітілсін.»;
қосымшада:
көрсетілген шешімімен бекітілген Атырау облысындағы жерлеу және қабірлерді қарап-күту жөніндегі істі ұйымдастырудың қағидалары осы шешімнің қосымшасына сәйкес жаңа редакцияда жазылсын.
2. Осы шешім қол қойылған күннен бастап күшіне енеді және оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Мәслихат хатшысы | Ә. Нәутиев |
Атырау облыстық мәслихатының
2022 жылғы 14 желтоқсандағы
№ 223-VII шешіміне қосымша
Атырау облыстық мәслихатының
2019 жылғы 16 шілдедегі
№ 343-VI шешімімен бекітілген
Атырау облысы бойынша жерлеудің және зираттарды күтіп ұстау ісін ұйымдастырудың
қағидалары
1-тарау. Жалпы ережелер
1. Осы Атырау облысы бойынша жерлеудің және зираттарды күтіп ұстау ісін ұйымдастырудың қағидалары (бұдан әрі – Қағидалар) «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27-бабы 1-тармағының 1-16) тармақшасына, сәйкес әзірленді және жерлеу мен зираттарды күтіп ұстау ісін ұйымдастырудың тәртібін айқындайды.
