Фармацевтикалық инспектораттың кейбір мәселелері туралы
Қазақстан Республикасы Денсаулық сақтау министрлігінің Медициналық және фармацевтикалық бақылау комитеті төрағасының 2021 жылғы 27 тамыздағы № 365-НҚ бұйрығы
(2024.05.01. берілген өзгерістер мен толықтырулармен)
Осы редакция 2024 жылғы 10 маусымда енгізілген өзгерістеріне дейін қолданылды
«Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің 244-бабына, Қазақстан Республикасы Денсаулық сақтау министрінің 2021 жылғы 27 қаңтардағы № ҚР ДСМ-9 бұйрығымен бекітілген Тиісті фармацевтикалық практикалар жөніндегі фармацевтикалық инспекциялар жүргізу қағидаларының 8-тармағына, тиісті фармацевтикалық практикалар талаптарына сәйкестігіне инспекциялау жүргізу мақсатында, сондай-ақ тиісті фармацевтикалық практикалар сәйкестігіне инспекциялау принциптеріне тиісті фармацевтикалық практикаларына оқытуға байланысты БҰЙЫРАМЫН:
1. Осы бұйрыққа қосымшаға сәйкес фармацевтикалық инспекторлардың тізілімі бекітілсін.
2. Қазақстан Республикасы Денсаулық сақтау министрлігі Фармация комитетінің мына бұйрықтары жойылсын:
1) «Фармацевтикалық инспектораттың кейбір мәселелері туралы» 2017 жылғы 7 желтоқсандағы № 329;
2) «Фармацевтикалық инспектораттың кейбір мәселелері туралы» Қазақстан Республикасы Денсаулық сақтау министрлігінің Фармация комитеті төрайымының 2017 жылғы 7 желтоқсандағы № 329 бұйрығына өзгерістер енгізу туралы» 2018 жылғы 17 шілдедегі № 237.
3. Осы бұйрықтың орындалуын бақылау Қазақстан Республикасы Денсаулық сақтау министрлігінің Медициналық және фармацевтикалық бақылау комитеті төрағасының орынбасары С.А. Ержановаға жүктелсін.
4. Осы бұйрық қол қойылған күнінен бастап күшіне енеді.
