Әкімшілерге негізгі сыйақының ең төмен мөлшерлері мен оны төлеу қағидаларын бекіту туралы
Қазақстан Республикасы Қаржы министрінің 2015 жылғы 18 наурыздағы № 183 бұйрығы
Осы редакция 2016 жылғы 30 желтоқсанда енгізілген өзгерістеріне дейін қолданылды
«Оңалту және банкроттық туралы» Қазақстан Республикасының 2014 жылғы 7 наурыздағы Заңының 13-бабы 1-тармағына сәйкес БҰЙЫРАМЫН:
1. Қоса беріліп отырған:
1) осы бұйрықтың 1-қосымшасына сәйкес уақытша әкімшіге және оңалтуды басқарушыға негізгі сыйақының ең төмен мөлшерлері;
2) осы бұйрықтың 2-қосымшасына сәйкес уақытша және банкроттықты басқарушыларға негізгі сыйақының мөлшерлері;
3) осы бұйрықтың 3-қосымшасына сәйкес әкімшілерге негізгі сыйақы төлеу қағидалары бекітілсін.
2. Қазақстан Республикасы Қаржы министрлігінің Мемлекеттік кірістер комитетіне (Д.Е. Ерғожин) заңнамада белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркелуін;
2) осы бұйрықты мемлекеттік тіркеуден өткеннен кейін күнтізбелік он күн ішінде оны мерзімді баспа басылымдарына және «Әділет» ақпараттық-құқықтық жүйесіне ресми жариялауға жіберуді;
3) осы бұйрықты Қазақстан Республикасы Қаржы министрлігінің ресми интернет-ресурсында жариялауды қамтамасыз етсін.
3. Осы бұйрық алғаш ресми жарияланған күнінен кейін күнтізбелік жиырма бір күн өткен соң қолданысқа енгізіледі.
Қазақстан Республикасы
Қаржы министрінің
2015 жылғы 18 наурыздағы
№ 183 бұйрығына 1-қосымша
Уақытша әкімшіге және оңалтуды басқарушыға төленетін негізгі
сыйақының ең төмен мөлшерлері
| Р/с № | Шарттар | Негізгі сыйақының ең төмен мөлшері |
| 1. | Уақытша әкімші |
| 1) | Борышкер шағын кәсіпкерлік субъектісі | 15 АЕК |
| 2) | Борышкер орта кәсіпкерлік субъектісі | 20 АЕК |
| 3) | Борышкер ірі кәсіпкерлік субъектісі | 25 АЕК |
| 2. | Оңалтуды басқарушы |
| 1) | Борышкер шағын кәсіпкерлік субъектісі | 25 АЕК |
| 2) | Борышкер орта кәсіпкерлік субъектісі | 30 АЕК |
| 3) | Борышкер ірі кәсіпкерлік субъектісі | 35 АЕК |
