Республикалық орта білім беру ұйымдарының білім алушыларын қорытынды аттестаттау жөніндегі комиссияны құру туралы
Қазақстан Республикасы Оқу-ағарту министрінің 2025 жылғы 23 қаңтардағы № 11 бұйрығы
Қазақстан Республикасы Білім және ғылым министрінің 2008 жылғы 18 наурыздағы № 125 бұйрығымен (Нормативтік құқықтық актілерді мемлекеттік тіркеу тізілімінде № 5191 болып тіркелген) бекітілген Бастауыш, негізгі орта, жалпы орта білімнің білім беретін оқу бағдарламаларын іске асыратын білім беру ұйымдарындағы білім алушылардың үлгеріміне ағымдық бақылаудың, оларды аралық және қорытынды аттестаттау жүргізудің үлгілік қағидаларының 59, 63 және 83-тармақтарына сәйкес БҰЙЫРАМЫН:
1. Осы бұйрыққа қосымшаға сәйкес құрамда республикалық орта білім беру ұйымдарының білім алушыларын қорытынды аттестаттау жөніндегі комиссия (бұдан әрі - Комиссия) құрылсын.
2. Комиссия:
1) 2025 жылғы 25 мамырға дейін республикалық орта білім беру ұйымдарының білім алушылары, ата-аналары мен педагогтері арасында 2024 - 2025 оқу жылында қорытынды аттестаттау өткізу мәселелері бойынша ақпараттық-түсіндіру жұмыстарын жүргізсін;
2) 2024-2025 оқу жылында республикалық орта білім беру ұйымдарының білім алушыларын қорытынды аттестаттау бойынша жұмыстарды ұйымдастырсын;
3) республикалық орта білім беру ұйымдарының жалпы орта білім туралы «Алтын белгі» аттестатын алуға үміткерлердің жазбаша емтихан жұмыстарын қарасын;
4) апелляцияға келіп түскен өтініштердің негізділігін қарауды ұйымдастырсын және түпкілікті шешім қабылдасын.
3. Республикалық орта білім беру ұйымдарының директорлары (келісу бойынша) 2025 жылғы 10 маусымға дейінгі мерзімде жалпы орта білім туралы «Алтын белгі» аттестатын алуға үміткерлердің жазбаша емтихан жұмыстарын ұсынсын.
4. Осы бұйрықтың орындалуын бақылау Қазақстан Республикасының Оқу-ағарту бірінші вице-министріне (Н.В. Жумадильдаева) жүктелсін.
5. Осы бұйрық қол қойылған күнінен бастап күшіне енеді.
| Қазақстан Республикасының Оқу-ағарту министрі | Ғ. Бейсембаев |
Қазақстан Республикасы
Оқу-ағарту министрінің
2025 жылғы 23 қаңтардағы
