Қазақстан Республикасының Президенттігіне кандидаттардың мемлекеттік тілді еркін меңгергендігін анықтау жөніндегі лингвистикалық комиссияны құру туралы
Қазақстан Республикасы Орталық сайлау комиссиясы 2022 жылғы 28 қыркүйектегі № 72/555 Қаулысы
Қазақстан Республикасы Конституциясының 41-бабының 2-тармағына, «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 54-бабына, «Қазақстан Республикасының Конституциясы 41-бабының 2-тармағын ресми түсіндіру туралы» Қазақстан Республикасы Конституциялық Кеңесінің 1998 жылғы 9 қазандағы № 9/2 қаулысына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:
1. Қазақстан Республикасының Президенттігіне кандидаттардың мемлекеттік тілді еркін меңгергендігін анықтау жөніндегі лингвистикалық комиссия осы қаулыға қосымшаға сәйкес құрамда құрылсын.
2. Қазақстан Республикасы Орталық сайлау комиссиясының «Қазақстан Республикасының Президенттігіне кандидаттардың мемлекеттік тілді еркін меңгергендігін анықтау жөніндегі лингвистикалық комиссия құру туралы» 2015 жылғы 27 ақпандағы № 6/263, «Қазақстан Республикасы Орталық сайлау комиссиясының 2015 жылғы 27 ақпандағы № 6/263 қаулысына өзгеріс енгізу туралы» 2019 жылғы 19 сәуірдегі № 14/241 қаулыларының күші жойылды деп танылсын.
