Өнеркәсіптік меншік объектілеріне басқаға беру шартын және өнеркәсіптік меншік объектілерін пайдалануға лицензиялық немесе сублицензиялық шарттарды тіркеу туралы өтініштер нысандарын бекіту және «Өнеркәсіптік меншік объектілерін құқықтық қорғаудың кейбір мәселелері» Қазақстан Республикасы Әділет министрінің м.а. 2010 жылғы 23 сәуірдегі № 136 бұйрығына өзгерістер енгізу туралы
Қазақстан Республикасы Әділет министрінің 2012 жылғы 24 ақпандағы № 84 бұйрығы
Осы редакция 2015 жылғы 17 наурызда енгізілген өзгерістеріне дейін қолданылды
«Селекциялық жетістіктерді қорғау туралы» 1999 жылғы 13 шілдедегі Қазақстан Республикасы Заңының 3-1-бабы 2-тармағының 2-1) және 2-2) тармақшаларына, «Тауар таңбалары, қызмет көрсету таңбалары және тауар шығарылған жерлердің атаулары туралы» 1999 жылғы 26 шілдедегі Қазақстан Республикасы Заңының 3-бабы 2-тармағының 2-3) және 2-4) тармақшаларына сәйкес, БҰЙЫРАМЫН:
1. Қоса беріліп отырған:
1) осы бұйрықтың 1-қосымшасына сәйкес Өнеркәсіптік меншік объектілерін басқаға беру шартын тіркеу туралы өтініш нысаны;
2) осы бұйрықтың 2-қосымшасына сәйкес Өнеркәсіптік меншік объектілерін пайдалануға лицензиялық немесе сублицензиялық шарттарды тіркеу туралы өтініш нысаны бекітілсін.
2. «Өнеркәсіптік меншік объектілерін құқықтық қорғаудың кейбір мәселелері» Қазақстан Республикасы Әділет министрінің м.а. 2010 жылы 23 сәуірдегі № 136 бұйрығына (Нормативтік құқықтық актілерді мемлекеттік тіркеу тізілімінде № 6234 болып тіркелген, Қазақстан Республикасының Орталық атқарушы және өзге де орталық мемлекеттік органдарының актілер жинағында жарияланған, 2010 жылғы, № 16) келесі өзгерістер енгізілсін:
1-тармақтың 7) және 8) тармақшалары алып тасталсын.
3. Қазақстан Республикасы Әділет министрлігінің Зияткерлік меншік құқығы комитеті заңнамада белгіленген тәртіпте осы бұйрықтың мемлекеттік тіркелуін қамтамасыз етсін.
4. Осы бұйрықтың орындалуын бақылау Қазақстан Республикасы Әділет министрінің жетекшілік ететін орынбасарына жүктелсін.
