Ақтөбе облысы Қобда ауданы әкімдігінің 2022 жылғы 11 мамырдағы № 158 «Қобда ауданында коммуналдық қалдықтардың түзілу және жинақталу нормаларын есептеу қағидаларын бекіту туралы» қаулысына өзгерістер мен толықтырулар енгізу туралы
Ақтөбе облысы Қобда ауданы әкімдігінің 2022 жылғы 14 маусымдағы № 191 Қаулысы
Қобда ауданы әкімдігі ҚАУЛЫ ЕТЕДІ:
1. Ақтөбе облысы Қобда ауданы әкімдігінің «Қобда ауданында коммуналдық қалдықтардың түзілу және жинақталу нормаларын есептеу қағидаларын бекіту туралы» 2022 жылғы 11 мамырдағы № 158 қаулысына өзгерістер мен толықтырулар енгізілсін:
«Қобда ауданында коммуналдық қалдықтардың түзілу және жинақталу нормаларын есептеу қағидаларын бекіту туралы» көрсетілген қаулының 2 тармағы 1) тармақшасына жаңа редакцияда жазылсын:
«Қобда аудандық сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімі» мемлекеттік мекемесі заңнамада көрсетілген тәртіппен:
1) осы қаулының Қазақстан Республикасы нормативтік құқықтық актілерінің эталондық бақылау банкіне ресми жариялануын қамтамасыз етсін.
Қобда ауданында коммуналдық қалдықтардың түзілу және жинақталу нормаларын есептеудің қағидаларының 1-тармағына:
(нормативтік құқықтық актілерді мемлекеттік тіркеу тізілімінде № 24212 болып тіркелген) толықтырылсын.
Қобда ауданында коммуналдық қалдықтардың түзілу және жинақталу нормаларын есептеудің қағидаларының 8-тармағына:
халқының саны 300-ден 500 мың адамға дейінгі елді мекендерде – 1 %;
тұрғындарының саны 500 мың адамнан асатын елді мекендерде – 0,5% (оның ішінде жайлы емес сектор бойынша кемінде 500 адам) толықтырылсын.
2. Көрсетілген қаулының қосымшасы, осы қаулының қосымшасына сәйкес жаңа редакцияда жазылсын.
3. Осы қаулының орындалуын бақылау аудан әкімінің жетекшілік ететін орынбасарына жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізілсін.
Ақтөбе облысы
Қобда ауданы әкімдігінің
