Арқалық қаласының аумағында сайлау учаскелерін құру туралы
Қостанай облысы Арқалық қаласы әкімінің 2020 жылғы 1 сәуірдегі № 3 шешімі
(2025.19.05. берілген өзгерістермен)
«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 23-бабына сәйкес, Арқалық қалалық аумақтық сайлау комиссиясының келісімі бойынша Арқалық қаласының әкімі ШЕШІМ ҚАБЫЛДАДЫ:
1. Арқалық қаласы аумағында сайлау учаскелері осы шешімнің қосымшасына сәйкес құрылсын.
2. Әкімнің мынадай:
«Арқалық қаласы аумағында сайлау учаскелерін құру туралы» 2015 жылғы 5 қазандағы № 10 (2015 жылғы 23 қазанда «Арқалық хабары» газетінде жарияланған, Нормативтік құқықтық актілерді мемлекеттік тіркеу тізілімінде № 5930 болып тіркелген);
«Қала әкімінің 2015 жылғы 5 қазандағы № 10 «Арқалық қаласы аумағында сайлау учаскелерін құру туралы» шешіміне өзгерістер енгізу туралы» 2015 жылғы 5 қарашадағы № 12 шешімдерінің (2015 жылғы 20 қарашада «Арқалық хабары» газетінде жарияланған, Нормативтік құқықтық актілерді мемлекеттік тіркеу тізілімінде № 6000 болып тіркелген) күші жойылды деп танылсын.
3. «Арқалық қаласы әкімінің аппараты» мемлекеттік мекемесі Қазақстан Республикасының заңнамасында белгіленген тәртіпте:
1) осы шешімнің аумақтық әділет органында мемлекеттік тіркелуін;
2) осы шешімді ресми жарияланғанынан кейін Арқалық қаласы әкімдігінің интернет - ресурсында орналастырылуын қамтамасыз етсін.
4. Осы шешімнің орындалуын бақылау Арқалық қаласы әкімі аппаратының басшысына жүктелсін.
5. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
