Қызылорда облысының су қорғау аймақтарын, белдеулерін және оларды шаруашылықта пайдалану режимін белгілеу туралы
Қызылорда облысы әкімдігінің 2025 жылғы 22 қазандағы № 201 Қаулысы
Қазақстан Республикасы Су Кодексінің 27 және 85-баптарына, «Құқықтық актілер туралы» Қазақстан Республикасы Заңының 27-бабына, «Су қорғау аймақтары мен белдеулері шекараларын белгілеу Қағидаларын бекіту туралы» Қазақстан Республикасы Су ресурстары және ирригация министрінің 2025 жылғы 9 маусымдағы № 120-НҚ бұйрығына (Нормативтік құқықтық актілерді мемлекеттік тіркеу тізілімінде № 36238 болып тіркелген) және Қазақстан Республикасы Су ресурстары және ирригация министрлігінің 10 шілдедегі №01-04-21-03/8192 хатына сәйкес Қызылорда облысының әкiмдiгi ҚАУЛЫ ЕТЕДI:
1. Қызылорда облысының су қорғау аймақтары мен белдеулері осы қаулының 1-қосымшасына сәйкес белгіленсін.
2. Қызылорда облысының су қорғау аймақтары мен белдеулерін шаруашылықта пайдаланудың режимі осы қаулының 2-қосымшасына сәйкес белгіленсін.
3. Қызылорда облысы әкімдігінің кейбір қаулыларының күші осы қаулының 3-қосымшасына сәйкес жойылды деп танылсын.
4. «Қызылорда облысының табиғи ресурстар және табиғат пайдалануды реттеу басқармасы» коммуналдық мемлекеттік мекемесі осы қаулыдан туындайтын шараларды қабылдасын.
5. Осы қаулының орындалуын бақылау жетекшілік ететін Қызылорда облысы әкімінің орынбасарына жүктелсін.
6. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қызылорда облысының әкімі | Н. Нәлібаев |
Қызылорда облысы әкімдігінің
2025 жылғы 22 қазандағы
№ 201 қаулысына 1-қосымша
Қызылорда облысының су қорғау аймақтары мен белдеулері
| № | Су объектілерінің атауы | Әкімшілік-аумақтық бірліктердің атауы | Су қорғау аймағы мен белдеуінің көлемі, гектар | Су қорғау аймағының ені, метр | Су қорғау белдеуінің ені, метр |
| 1 | Сырдария өзені | Сырдария ауданы | 6962,5 | 500 | 100 |
| 2 | Сырдария өзені | Шиелі ауданы | 25979,9 | 500 | 100 |
| 3 | Сырдария өзені | Арал ауданы | 29606,17 | 1000 | 100 |
| 4 | Сырдария өзені | Қазалы ауданы | 41790,54 | 1000 | 100 |
