ҚР СТ 1932-2009
Атмосфералық ауаға автокөлік құралдарымен шығатын ластаушы заттар шығарындыларын анықтау тәртібі
Отын шығыны бойынша автомобиль құралдарының ластаушы заттар шығарындыларын есептеу әдісі және нормалары
Мазмұны
1. Қолданылу саласы
2. Нормативтік сілтемелер
3. Терминдер мен анықтамалар
4. Жалпы ережелер
5. Отын шығыны бойынша ластаушы заттардың шығарындыларын есептеу
А қосымшасы (ақпараттық). Қазақстан Республикасында автокөлік құралдарын бөлу1
Библиография
1. Қолданылу саласы
Осы стандарт атмосфералық ауаға автокөлік құралдарымен шығатын ластаушы заттар шығарындыларын анықтау тәртібін, сонымен қатар отын шығыны бойынша автокөлік құралдарының ластаушы шығарындыларын есептеу әдісі мен нормаларын бекітеді.
Осы стандарт елді мекен аумақтарында және [1] бойынша магистральдық жолдар мен көшелердегі қозғалыс кезінде және [2] бойынша жалпы пайдаланудағы автомобиль жолдарында атмосфералық ауаға автобустардан шығатын ластаушы заттардың шығарындыларын есепке алуға арналған.
Осы стандарт автокөлік құралдарынан шығатын ластаушы заттардың жалпы шығарындыларын тізімге алу кезінде және олардың кемуі бойынша іс-шаралар тиімділігін бағалауда табиғатты қорғау және бақылау ұйымдарында қолдану үшін арналған.
2. Нормативтік сілтемелер
Осы стандартты қолдану үшін мынадай нормативтік сілтемелік құжаттар қажет: Қазақстан Республикасы Үкіметінің 2007 жылғы 29 желтоқсандағы № 1372 қаулысымен бекітілген «Қазақстан Республикасы аумағында айналымға түсетін автокөлік құралдарының зиянды (ластаушы) заттар шығарындыларына қойылатын талаптар туралы» техникалық регламенті.
ҚР СТ 1934-2009 Атмосфералық ауаға автокөлік құралдарымен шығарылатын ластаушы заттар шығарындыларын анықтау тәртібі. Жеңіл автомобильдерден шығатын ластаушы заттар шығарындыларын есептеу әдістері мен нормалары.
