Қазақстан Республикасының Мәдениет және ақпарат министрі, Қазақстан Республикасы Мәдениет және ақпарат министрлігінің аппарат басшысы және Қазақстан Республикасының Мәдениет және ақпарат вице-министрлері арасында міндеттерді бөлу туралы
Қазақстан Республикасы Мәдениет және ақпарат министрінің 2024 жылғы 22 ақпандағы № 75-НҚ бұйрығы
Осы редакция 2024 жылғы 6 мамырда енгізілген өзгерістеріне дейін қолданылды
Қазақстан Республикасы Үкіметінің 2023 жылғы 4 қазандағы № 866 қаулысымен бекітілген Қазақстан Республикасының Мәдениет және ақпарат министрлігі туралы ереженің 19-тармағына сәйкес БҰЙЫРАМЫН:
1. Осы бұйрыққа 1-қосымшаға сәйкес Қазақстан Республикасының Мәдениет және ақпарат министрі, Қазақстан Республикасы Мәдениет және ақпарат министрлігінің аппарат басшысы және Қазақстан Республикасының Мәдениет және ақпарат вице-министрлері арасында міндеттерді бөлу бекітілсін.
2. Осы бұйрыққа 2-қосымшаға сәйкес Қазақстан Республикасының Ақпарат және қоғамдық даму министрінің кейбір бұйрықтарының күші жойылсын.
3. Осы бұйрық қол қойылған күнінен бастап күшіне енеді.
Қазақстан Республикасы
Мәдениет және ақпарат министрінің
2024 жылғы 22 ақпандағы
№ 75-НҚ бұйрығына
1-қосымша
Қазақстан Республикасының Мәдениет және ақпарат министрі,
Қазақстан Республикасы Мәдениет және ақпарат министрлігінің аппарат басшысы және
Қазақстан Республикасының Мәдениет және ақпарат вице-министрлері арасындағы міндеттерді
бөлу
Қазақстан Республикасының Мәдениет және ақпарат министрі
А.Ғ. Балаева
1. Қазақстан Республикасы Мәдениет және ақпарат министрлігінің (бұдан әрі - Министрлік) қызметін үйлестіреді және жалпы басшылықты жүзеге асырады.
2. Министрліктің қарамағындағы салаларда мемлекеттік саясатты және салааралық үйлестіруді қалыптастырады.
3. Министрліктің қарамағындағы салаларда халықаралық ынтымақтастықты ұйымдастырады.
