Мемлекеттік мекемені қайта атау туралы
Павлодар облысы Павлодар қаласы әкімдігінің 2024 жылғы 12 ақпандағы № 162/1 Қаулысы
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабы 2-тармағына, 37-бабы 8-тармағына, Қазақстан Республикасының «Мемлекеттік мүлік туралы» Заңының 18-бабы 8) тармақшасына, Қазақстан Республикасы Үкіметінің 2021 жылғы 1 қыркүйектегі «Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы» № 590 қаулысына сәйкес, «Павлодар облысының кейбір әкімшілік-аумақтық бірліктерін қайта атау туралы» Павлодар облысы әкімдігінің 2023 жылғы 28 желтоқсандағы № 4 бірлескен қаулысы және Павлодар облыстық мәслихатының 2023 жылғы 28 желтоқсандағы № 105/8 шешімі негізінде Павлодар қаласының әкімдігі ҚАУЛЫ ЕТЕДІ:
1. «Ленин кенті әкімінің аппараты» мемлекеттік мекемесі (бұдан әрі-ММ) «Атамекен кенті әкімінің аппараты» ММ болып қайта аталсын.
2. «Атамекен кенті әкімінің аппараты» мемлекеттік мекемесі туралы Ереже осы қаулының қосымшасына сәйкес бекітілсін.
3. Павлодар қаласы әкімдігінің 2022 жылғы 19 сәуірдегі «Ленин кенті әкімінің аппараты» мемлекеттік мекемесі туралы Ережені бекіту туралы» № 551/2 қаулысының күші жойылсын.
4. «Ленин кенті әкімінің аппараты» мемлекеттік мекемесі қолданыстағы заңнамаға сәйкес, осы қаулыдан туындайтын қажетті шараларды қабылдасын.
5. Осы қаулының орындалуын бақылау қала әкімі аппаратының басшысына жүктелсін.
| Павлодар қаласы әкімінің міндетін атқарушы | А. Аманов |
Павлодар қаласы әкімдігінің
2024 жылғы 12 ақпандағы
№ 162/1 қаулысына
қосымша
«Атамекен кенті әкімінің аппараты» мемлекеттік мекемесі туралы
Ереже
1 тарау. Жалпы ережелер
1. «Атамекен кенті әкімінің аппараты» (бұдан әрі - әкім аппараты) мемлекеттік мекемесі Атамекен кенті әкімінің (бұдан әрі - әкім) қызметін қамтамасыз ететін және Қазақстан Республикасының заңнамасында көзделген өзге де функцияларды жүзеге асыратын мемлекеттік мекеме болып табылады.
