Қазақстан Республикасының агроөнеркәсіптік кешені субъектілерін 2025 жылы жеңілдетілген лизингпен қамтамасыз ету жөніндегі іс-қимыл жоспарын бекіту туралы
Қазақстан Республикасы Ауыл шаруашылығы министрінің м.а. 2025 жылғы 11 наурыздағы № 73 бұйрығы
БҰЙЫРАМЫН:
1. Қоса беріліп отырған Қазақстан Республикасының агроөнеркәсіптік кешені субъектілерін 2025 жылы жеңілдетілген лизингпен қамтамасыз ету жөніндегі іс-қимыл жоспары (бұдан әрі - Жоспар) бекітілсін.
2. «Бәйтерек» ұлттық басқарушы холдингі» акционерлік қоғамы (келісу бойынша) және «ҚазАгроҚаржы» акционерлік қоғамы (келісу бойынша) Жоспардың орындалуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
4. Осы бұйрық қол қойылған күнінен бастап күшіне енеді.
| Министрдің м.а. | А. Сұлтанов |
Қазақстан Республикасы
Ауыл шаруашылығы министрінің м.а.
2025 жылғы 11 наурыздағы
№ 73 бұйрығына қосымша
Қазақстан Республикасының агроөнеркәсіптік кешені субъектілерін
2025 жылы жеңілдетілген лизингпен қамтамасыз ету жөніндегі іс-қимыл
жоспары
1-тарау. Жалпы ережелер
1. Қазақстан Республикасының агроөнеркәсіптік кешені субъектілерін (бұдан әрі - АӨК субъектілері) елімізде шығарылатын және/немесе құрастырылған ауыл шаруашылығы техникасының жеңілдетілген лизингімен қамтамасыз ету мақсатында Қазақстан Республикасы Үкіметі мен «Бәйтерек» ұлттық басқару холдингі» акционерлік қоғамы (бұдан әрі - «Бәйтерек» ҰБХ» АҚ) «ҚазАгроҚаржы» акционерлік қоғамына (бұдан әрі - «ҚазАгроҚаржы» АҚ) қаражат бөлу, сондай-ақ АӨК субъектілерінің лизингі шарттары бойынша сыйақы мөлшерлемесін арзандату жөнінде шаралар қабылдайтын болады.
2. Жеңілдетілген лизингтің жалпы көлемі 200 000 000 000 (екі жүз миллиард) теңгеден аспайды.
3. Жеңілдетілген лизингті қамтамасыз ету мақсатында мынадай іс-шаралар өткізілетін болады:
