Қазақстан Республикасы Сауда және интеграция министрлігінің жанынан Ғылыми-техникалық кеңес құру туралы
Қазақстан Республикасы Премьер-Министрінің орынбасары - Сауда және интеграция министрінің 2022 жылғы 30 қарашадағы № 458-НҚ бұйрығы
Қазақстан Республикасы Премьер-Министрінің орынбасары - Сауда және интеграция министрімен 2022 жылғы 1 маусымда бекітілген Экономикадағы техникалық реттеудің рөлі мен функциясын күшейту арқылы тауарлардың, жұмыстардың және көрсетілетін қызметтердің сапасын, сондай-ақ халықтың өмірі мен денсаулығының қауіпсіздігін арттыру бойынша іс-шаралар жоспарының 17-тармағына сәйкес, БҰЙЫРАМЫН:
1. Қазақстан Республикасы Сауда және интеграция министрлігінің жанынан Ғылыми-техникалық кеңес құрылсын.
2. Осы бұйрыққа 1-қосымшаға сәйкес Ғылыми-техникалық кеңестің құрамы бекітілсін.
3. Осы бұйрыққа 2-қосымшаға сәйкес Ғылыми-техникалық кеңес туралы ереже бекітілсін.
4. Осы бұйрықтың орындалуын бақылау жетекшілік ететін Қазақстан Республикасы Сауда және интеграция министрлігі Техникалық реттеу және метрология комитеті төрағасының орынбасарына жүктелсін.
5. Осы бұйрық қол қойылған күнінен бастап қолданысқа енгізіледі.
| Қазақстан Республикасы Премьер-Министрінің орынбасары - Сауда және интеграция министрі | С. Жұманғарин |
Қазақстан Республикасы
Премьер-Министрінің орынбасары -
Сауда және интеграция
министрінің
2022 жылғы 30 қарашадағы
№ 458-НҚ бұйрығына
1-қосымша
Қазақстан Республикасы Сауда және интеграция министрлігінің
жанынан құрылған Ғылыми-техникалық кеңестің құрамы
| Шакқалиев Арман Абайұлы | - | Қазақстан Республикасының Сауда және интеграция бірінші вице-министрі, төраға; |
| Еликбаев Қуаныш Нұрланұлы | - | Қазақстан Республикасының Сауда және интеграция министрлігі Техникалық реттеу және метрология комитеті төрағасы, төраға орынбасары; |
| Есенбекова Жанна Рашидқызы | - | Қазақстан Республикасының Сауда және интеграция министрлігі Техникалық реттеу және метрология комитетінің төрағасының орынбасары, хатшы; |
