Ұлытау облысының қалалары мен елді мекендерінің аумақтарын абаттандырудың қағидаларын бекіту туралы
Ұлытау облыстық мәслихатының 2023 жылғы 18 мамырдағы № 26 шешімі
Осы редакция 2023 жылғы 6 қазанда енгізілген өзгерістеріне дейін қолданылды
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңы 6-бабының 1-тармағының 4-2) тармақшасына сәйкес Ұлытау облыстық мәслихаты ШЕШТІ:
1. Ұлытау облысының қалалары мен елді мекендерінің аумақтарын абаттандыру қағидалары осы шешімнің қосымшасына сәйкес бекітілсін.
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Ұлытау облыстық мәслихатының төрағасы | Б. Шингисов |
Ұлытау облыстық мәслихатының
II сессиясының
2023 жылғы 18 мамырдағы
№ 26 шешіміне
қосымша
Ұлытау облысының қалалары мен елді мекендерінің аумақтарын абаттандырудың
Қағидалары
1 тарау. Жалпы ережелер
1. Осы Ұлытау облысының қалалары мен елді мекендерінің аумақтарын абаттандырудың Қағидалары (бұдан әрі - Қағидалар) «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңының 20-бабының 23-15) тармақшасына және Қазақстан Республикасы Ұлттық экономика министрінің «Жасыл екпелерді күтіп-ұстаудың және қорғаудың үлгілік Қағидаларын, қалалар мен елді мекендердің аумақтарын абаттандыру Қағидаларын бекіту туралы» бұйрығына сәйкес әзірленді және 2015 жылғы 20 наурыздағы № 235 «Ағаштарды кесуге рұқсат беру» мемлекеттік қызмет көрсету қағидаларын айқындайды және олардың құқықтық мәртебесі мен шаруашылық қызмет нысандарына қарамастан барлық заңды тұлғалар, жеке тұлғалар, сондай-ақ аулаларды қоғамдық аумақтарды абаттандыруға жауапты лауазымды тұлғалар үшін елді мекендердің аумағын абаттандыру тәртібін айқындайды.
