Қазақстан Республикасының Еңбек және халықты әлеуметтік қорғау министрлігінің цифрлық платформасында білім беру, халықты әлеуметтік қорғау, тұрғын-үй қатынастары және дене шынықтыру салаларындағы кейбір мемлекеттік көрсетілетін қызметтерді көрсету бойынша пилоттық жобаны жүзеге асыру туралы
Қазақстан Республикасы Еңбек және халықты әлеуметтік қорғау министрінің 2025 жылғы 19 мамырдағы № 151, Қазақстан Республикасы Ғылым және жоғары білім министрінің м.а. 2025 жылғы 20 мамырдағы № 262, Қазақстан Республикасы Оқу-ағарту министрінің 2025 жылғы 21 мамырдағы № 116, Қазақстан Республикасы Өнеркәсіп және құрылыс министрінің 2025 жылғы 21 мамырдағы № 174, Қазақстан Республикасы Туризм және спорт министрінің м.а. 2025 жылғы 20 мамырдағы № 71 және Қазақстан Республикасының Цифрлық даму, инновациялар және аэроғарыш өнеркәсібі министрінің 2025 жылғы 19 мамырдағы № 235/НҚ бірлескен бұйрығы
2026 ж. 23 мамырына дейін қолданылады
«Мемлекеттік көрсетілетін қызметтер туралы» Қазақстан Республикасы Заңының 22-бабына, сондай-ақ Қазақстан Республикасы Премьер-Министрінің орынбасары Е.Б.Көшербаевтың төрағалығымен өткен Әлеуметтік мәселелер жөніндегі 2025 жылғы 24 наурыздағы кеңестің № 16-14/Б-426 хаттамасының 2.2-тармағының екінші абзацына сәйкес БҰЙЫРАМЫЗ:
1. Қазақстан Республикасының Еңбек және халықты әлеуметтік қорғау министрлігінің цифрлық платформасында:
«Жоғары және (немесе) жоғары оқу орнынан кейінгі білім беру ұйымдарында білім алушыларға жатақхана беру»;
«Жоғары білім беру ұйымдарында білім алатын және тәрбиеленетін жекелеген санаттағы азаматтарға, сондай-ақ қорғаншылықтағы (қамқоршылықтағы) және патронаттағы адамдарға тегін тамақтандыруды ұсыну»;
«Мүгедектігі бар балаларды үйде оқытуға жұмсалған шығындарды өтеу»;
«Жалпы білім беретін мектептердегі білім алушылар мен тәрбиеленушілердің жекелеген санаттарын тегін және жеңілдікпен тамақтандыруды ұсыну»;
