Ерікті және мәжбүрлеп таратылатын банктердің тарату комиссиясының есеп және қосымша ақпарат беру нысандарын, мерзімдері мен кезеңділігін бекіту туралы
Қазақстан Республикасы Ұлттық Банкі Басқармасының 2015 жылғы 19 желтоқсандағы № 227 Қаулысы
(2019.02.05. берілген өзгерістермен)
ҚР Қаржы нарығын реттеу және дамыту агенттігі Басқармасының 2020 жылғы 14 желтоқсандағы № 116 Қаулысымен күші жойылды
ҚР Ұлттық Банкі Басқармасының 2019.02.05. № 71 Қаулысымен тақырыбы жаңа редакцияда (бұр.ред.қара)
«Қазақстан Республикасындағы банктер және банк қызметі туралы» 1995 жылғы 31 тамыздағы және «Мемлекеттік статистика туралы» 2010 жылғы 19 наурыздағы Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:
ҚР Ұлттық Банкі Басқармасының 2019.02.05. № 71 Қаулысымен 1-тармақ өзгертілді (бұр.ред.қара)
1. Ерікті және мәжбүрлеп таратылатын банктердің (бұдан әрі - таратылатын банк) тарату комиссиялары беретін есеп және қосымша ақпарат берудің мынадай нысандары бекітілсін:
1) осы қаулыға 1-қосымшаға сәйкес таратылатын банктің баланстан тыс шоттары жөніндегі есептің нысаны;
2) осы қаулыға 2-қосымшаға сәйкес таратылатын банк активтерінің жай-күйі туралы есептің нысаны;
3) осы қаулыға 3-қосымшаға сәйкес таратылатын банк міндеттемелерінің жай-күйі туралы есептің нысаны;
4) осы қаулыға 4-қосымшаға сәйкес таратылатын банктің теңгедегі ағымдағы шоты бойынша ақша қозғалысы туралы есептің нысаны;
5) осы қаулыға 5-қосымшаға сәйкес таратылатын банктің шетел валютасындағы ағымдағы шоты бойынша ақша қозғалысы туралы есептің нысаны;
6) осы қаулыға 6-қосымшаға сәйкес таратылатын банктің касса бойынша теңгемен ақша қозғалысы туралы есептің нысаны;
7) осы қаулыға 7-қосымшаға сәйкес таратылатын банктің касса бойынша шетел валютасымен ақша қозғалысы туралы есептің нысаны;
8) осы қаулыға 8-қосымшаға сәйкес таратылатын банктің дебиторлық берешегінің жай-күйі туралы есептің нысаны;
