Азаматтардың жекелеген санаттарына амбулаториялық емдеу кезінде тегін және жеңілдікті шарттармен дәрілік заттарды, бейімделген емдік өнімдерді, медициналық бұйымдарды косымша беру туралы
Астана қаласы мәслихатының 2018 жылғы 12 желтоқсандағы № 341/42-VI шешімі
Нұр-Сұлтан қаласы мәслихатының 2019 жылғы 27 маусымдағы № 396/52-VI шешімімен күші жойылды
«Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасының Кодексінің 9-бабының 1-тармағының 5) тармақшасына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қантардағы Қазақстан Республикасының Заңының 6-бабының 1-тармағының 15) тармақшасына сәйкес, Астана қаласының мәслихаты ШЕШІМ ҚАБЫЛДАДЫ:
1. Осы шешімнің қосымшасына сәйкес азаматтардың жекелеген санаттарына амбулаториялық емделу кезінде тегін және жеңілдікті шарттармен дәрілік заттарды, бейімделген емдік өнімдерді, медициналық бұйымдарды қосымша беру тізбесі бекітілсін.
2. Астана қаласы мәслихатының шешімдері күшін жойды деп танылсын:
2017 жылғы 20 шілдедегі № 170/21- VI «Азаматтардың жекелеген санаттарына амбулаториялық емделу кезінде тегін және жеңілдікті шарттармен дәрілік заттарды, бейімделген емдік өнімдерді, медициналық мақсаттағы бұйымдарды косымша беру туралы» шешімі (Нормативтік құқықтық актілерді мемлекеттік тіркеу тізілімінде 2017 жылғы 9 тамызда № 1123 болып тіркелген, 2017 жылғы 12 тамызда «Астана ақшамы», «Вечерняя Астана» газеттерінде жарияланған);
2018 жылғы 28 маусымдағы № 284/34-VI «Азаматтардың жекелеген санаттарына амбулаториялық емделу кезінде тегін және жеңілдікті шарттармен дәрілік заттарды, бейімделген емдік өнімдерді, медициналық мақсаттағы бұйымдарды косымша беру туралы» Астана қаласы мәслихатының 2017 жылғы 20 шілдедегі № 170/21- IV шешіміне толықтырулар енгізу туралы» шешімі (Нормативтік құқықтық актілерді мемлекеттік тіркеу тізілімінде 2018 жылғы 12 шілдегі № 1183 болып тіркелген, 2018 жылғы 14 шілдегі «Астана ақшамы», «Вечерняя Астана» газеттерінде жарияланған).
