Қазақстан Республикасының Премьер-Министріне ақпараттық материалдар ұсыну кестесін бекіту туралы
Қазақстан Республикасы Премьер-Министрінің 2019 жылғы 13 мамырдағы № 79-ө өкімі
1. Қоса беріліп отырған Қазақстан Республикасының Премьер-Министріне ақпараттық материалдар ұсыну кестесі(бұдан әрі - кесте) бекітілсін.
2. «Қазақстан Республикасының Премьер-Министріне ақпараттық материалдар ұсыну кестесін бекіту туралы» Қазақстан Республикасы Премьер-Министрінің 2015 жылғы 15 сәуірдегі № 29-ө өкімінің күші жойылды деп танылсын.
3. Қазақстан Республикасы Цифрлық даму, қорғаныс және аэроғарыш өнеркәсібі министрлігі ақпараттық материалдарды мемлекеттік органдардың интранет-порталында орналастыру жөніндегі жұмыстарды техникалық сүйемелдеуді қамтамасыз етсін.
4. Орталық және жергілікті атқарушы органдар осы өкімнен туындайтын шараларды қабылдасын.
5. Мемлекеттік органдардың интранет-порталында орналастырылатын ақпараттың дұрыстығы және уақтылығы үшін жауапкершілік мемлекеттік органдардың бірінші басшыларына жүктеледі.
6. Осы өкімнің орындалуын бақылау Қазақстан Республикасы Премьер-Министрінің Кеңсесі құрылымдық бөлімшелерінің басшыларына жүктелсін.
Қазақстан Республикасы
Премьер-Министрінің
2019 жылғы 13 мамырдағы
№ 79 өкіміне
қосымша
Қазақстан Республикасының Премьер-Министріне ақпараттық материалдар ұсыну
кестесі
Р/с№ | Құжаттың атауы | Ақпараттық материалдар ұсыну мерзімі | Ақпараттық материалдарды ұсыну/орналастыру нысаны |
Орталық атқарушы органдар, Ұлттық Банк (келісу бойынша) және ұйымдар (келісу бойынша) | Қазақстан Республикасының Премьер-Министрі Кеңсесінің бөлімдері |
1 | 2 | 3 | 4 | 5 |
1. Күн сайынғы ақпарат | | | | |
1. | Қазақстан Республикасының аумағында өткен тәуліктерде болған табиғи және техногенді сипаттағы төтенше жағдайлар туралы жедел ақпарат | Ішкі істер министрлігі | Қорғаныс және құқық тәртібі бөлімі, Өңірлік даму бөлімі | Электрондық формат (электрондық пошта) |
