«Түркістан облысы елді мекендердің жасыл екпелерін жасау, күтіп-баптау және қорғаудың қағидаларын, Түркістан облысының қалалары мен елді мекендерінің аумақтарын абаттандырудың қағидаларын бекіту туралы
Түркістан облыстық мәслихатының 2023 жылғы 10 шілдедегі № 4/50-VIII шешімі
(2024.13.07. берілген өзгерістермен)
«Қазақстан Республикасындағы жергілікті мемлекеттік басқару және өзін-өзін басқару туралы» Қазақстан Республикасы Заңының 6-бабы 1-тармағының 4-2) және 4-3) тармақшаларына сәйкес, Түркістан облыстық мәслихаты ШЕШТІК:
1. Қоса берілген:
1) Түркістан облысы елді мекендердің жасыл екпелерін жасау, күтіп-баптау және қорғаудың қағидалары;
2) Түркістан облысының қалалары мен елді мекендерінің аумақтарын абаттандырудың қағидалары бекітілсін.
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Түркістан облыстық мәслихатының төрағасы | Н. Әбішов |
Түркістан облыстық мәслихатының
2023 жылғы 10 шілдедегі
№4/50-VIII шешімімен бекітілді
Түркістан облысы елді мекендердің жасыл екпелерін жасау, күтіп-баптау және қорғаудың
Қағидалары
1 тарау. Жалпы ережелер
1. Осы Түркістан облысы елді мекендердің жасыл екпелерін жасау, күтіп-баптау және қорғаудың Қағидалары (бұдан әрі - Қағидалар) «Өсімдіктер дүниесі туралы» Қазақстан Республикасы Заңының (бұдан әрі-заң) 9-бабы 1-тармағының 16) тармақшасына сәйкес әзірленді және елді мекендердің жасыл екпелерін жасау, күтіп-баптау және қорғаудың тәртібін айқындайды.
Қағидалар мемлекеттік орман қоры учаскелерінде және республикалық және жергілікті маңызы бар ерекше қорғалатын табиғи аумақтарда, жеке тұрғын үй аумақтарында, саяжай учаскелерінде өсетін жасыл екпелерге қолданылмайды.
2. Осы қағидалар негізінде жергілікті атқарушы органдар Түркістан облысының жасыл екпелерін жасау, күтіп-баптау және қорғаудың Қағидаларын әзірлейді.
3. Осы Қағидада мынадай ұғымдар пайдаланылады:
