Объектіні пайдалануға қабылдау актісін қалыптастыру, оны жергілікті атқарушы органның есебіне қою, жаңадан құрылған жылжымайтын мүлікке сәйкестендіру және техникалық мәліметтерді енгізу және «Жылжымайтын мүлікке құқықтарды (ауыртпалықтарды) мемлекеттік тіркеу» мемлекеттік қызметін көрсету жөніндегі пилоттық жобаны іске асыру туралы
Қазақстан Республикасының Цифрлық даму, инновациялар және аэроғарыш өнеркәсібі министрінің, Қазақстан Республикасы Өнеркәсіп және құрылыс министрінің, Қазақстан Республикасының Әділет министрі 2025 жылғы 24 қаңтардағы № 27/НҚ бірлескен бұйрық
Осы бұйрықтың 7-тармағына сәйкес қолданысын тоқтатты
«Мемлекеттік көрсетілетін қызметтер туралы» Қазақстан Республикасы Заңының 22-бабына сәйкес БҰЙЫРАМЫЗ:
1. Объектіні пайдалануға қабылдау актісін қалыптастыру, оны жергілікті атқарушы органның есебіне қою, жаңадан құрылған жылжымайтын мүлікке сәйкестендіру және техникалық мәліметтерді енгізу және «Жылжымайтын мүлікке құқықтарды (ауыртпалықтарды) мемлекеттік тіркеу» мемлекеттік қызметін көрсету жөніндегі пилоттық жобаны (бұдан әрі - пилоттық жоба) Астана қаласында іске асыру.
2. Қоса беріліп отырған Объектіні пайдалануға қабылдау актісін қалыптастыру, оны жергілікті атқарушы органның есебіне қою, жаңадан құрылған жылжымайтын мүлікке сәйкестендіру және техникалық мәліметтерді енгізу және «Жылжымайтын мүлікке құқықтарды (ауыртпалықтарды) мемлекеттік тіркеу» мемлекеттік қызметін көрсету жөніндегі алгоритм (бұдан әрі - Алгоритм) бекітілсін.
3. Қазақстан Республикасының Өнеркәсіп және құрылыс министрлігі мен «Азаматтарға арналған үкімет» мемлекеттік корпорациясы» коммерциялық емес акционерлік қоғамы (келісім бойынша) Алгоритмге сәйкес пилоттық жобаның техникалық іске асырылуын қамтамасыз етсін.
