«Мемлекеттік басқаруды цифрлық трансформациялау қағидаларын бекіту туралы» Қазақстан Республикасы Цифрлық даму, инновациялар және аэроғарыш өнеркәсібі министрінің міндетін атқарушының 2024 жылғы 27 қыркүйектегі № 601/НҚ бұйрығына толықтырулар енгізу туралы
Қазақстан Республикасының Цифрлық даму, инновациялар және аэроғарыш өнеркәсібі министрінің 2025 жылғы 26 мамырдағы № 251 НҚ бұйрығы
БҰЙЫРАМЫН:
1. «Мемлекеттік басқаруды цифрлық трансформациялау қағидаларын бекіту туралы» Қазақстан Республикасы Цифрлық даму, инновациялар және аэроғарыш өнеркәсібі министрінің міндетін атқарушының 2024 жылғы 27 қыркүйектегі № 601/НҚ бұйрығына келесідей толықтырулар енгізілсін:
көрсетілген бұйрықпен бекітілген мемлекеттік басқаруды цифрлық трансформациялау Қағидаларында:
келесідей мазмұндағы 17-1-тармақпен толықтырылсын:
«17-1. Цифрлық трансформация картасы осы Қағидалардағы қосымшаға сәйкес нысан бойынша жасалады. Нысан құрылымның біркелкілігін, ақпараттың толықтығын және цифрлық бастамалардың салыстырмалылығын қамтамасыз етуге арналған.»;
осы бұйрыққа қосымшаға сәйкес қосымшамен толықтырылсын.
2. Қазақстан Республикасы Цифрлық даму инновациялар және аэроғарыш өнеркәсібі министрлігінің салаларды цифрландыру департаменті:
1) осы бұйрық ресми жарияланғаннан кейін оны Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсында орналастыруды;
2) осы бұйрықтың көшірмесін Қазақстан Республикасы нормативтік құқықтық актілерінің эталондық бақылау банкіне енгізу үшін бұйрыққа қол қойылған күннен бастап бес жұмыс күні ішінде Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберу
3. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.
