Қаржылық мониторинг органдарының қызметкерлерін кеңсе керек-жарақтарымен және кеңсе қағазымен қамтамасыз етудің заттай нормаларын бекіту туралы
Қазақстан Республикасы Қаржылық мониторинг агенттігі Төрағасының 2024 жылғы 2 сәуірдегі № 91-НҚ бұйрығы
ҚР Қаржылық мониторинг агенттігі Төрағасының 2025 жылғы 26 мамырдағы № 174-НҚ бұйрығымен күші жойылды
Қазақстан Республикасы Бюджет кодексінің 69-бабының 2-тармағына сәйкес, БҰЙЫРАМЫН:
1. Қоса беріліп отырған Қаржылық мониторинг органдарының қызметкерлерін кеңсе жабдықтарымен және кеңсе қағазымен қамтамасыз етудің заттай нормалары осы бұйырыққа қосымшаға сәйкес бекітілсін.
2. Қаржылық мониторинг органдарының құрылымдық бөлімшелерінің басшыларына кеңсе жабдықтары мен кеңсе қағаздарының ұтымды пайдаланылуын бақылау жүктелсін.
3. Қазақстан Республикасының Қаржылық мониторинг агенттігінің Әкімшілік департаменті заңнамада белгіленген тәртіппен:
1) мемлекеттік және орыс тілдеріндегі осы бұйрықтың көшірмесін Қазақстан Республикасының нормативтік құқықтық актілерін эталондық бақылау банкіне қосу және ресми жариялау үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберілуін;
2) осы бұйрықты Қазақстан Республикасының Қаржылық мониторинг агенттігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау Қазақстан Республикасының Қаржылық мониторинг агенттігі аппаратының басшысына жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасы
Қаржылық мониторинг
Агенттігі Төрағасының
2024 жылғы 2 сәуірдегі
№91-НҚ бұйрығына
қосымша
