Қарағанды облысының аумағында жануарларды аулау, уақытша ұстау және жансыздандыру Қағидаларын бекіту туралы
Қарағанды облыстық мәслихатының 2022 жылғы 8 желтоқсандағы № 277 шешімі
Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы 2-2-тармағына сәйкес Қарағанды облыстық мәслихаты ШЕШТІ:
1. Қоса беріліп отырған Қарағанды облысының аумағында жануарларды аулау, уақытша ұстау және жансыздандыру Қағидалары бекітілсін.
2. Қарағанды облыстық мәслихатының 2017 жылғы 12 желтоқсандағы ХІІІ сессиясының № 264 «Қарағанды облысының аумағында қаңғыбас иттер мен мысықтарды аулау және жою қағидаларын бекіту туралы» шешімінің (Нормативтік құқықтық актілерді мемлекеттік тіркеудің Тізілімінде № 4534 болып тіркелген) күші жойылды деп танылсын.
3. Осы шешім оның алғашқы ресми жарияланғаннан кейін күнтізбелік он күн өткен соң қолданысқа енгізіледі.
| Облыстық мәслихат хатшысы | С. Утешов |
Қарағанды облыстық мәслихатының
2022 жылғы 8 желтоқсандағы
№ 277 Шешіммен бекітілген
Қарағанды облысының аумағында жануарларды аулаудың, уақытша ұстаудың және жансыздандырудың
қағидалары
1 тарау. Жалпы ережелер
1. Осы Жануарларды аулаудың, уақытша ұстаудың және жансыздандырудың қағидалары (бұдан әрі – Қағидалар) Қазақстан Республикасының «Жануарларға жауапкершілікпен қарау туралы» «Қазақстан Республикасындағы жергілікті мемлекеттік басқару және өзін-өзі басқару туралы», «Ветеринария туралы», Заңдарына сәйкес әзірленді, және Қарағанды облысының аумағында жануарларды аулаудың, уақытша ұстаудың және жансыздандырудың тәртібін белгілейді.
2. Қағидалар мынадай негізгі ұғымдар мен терминдер пайдаланылады:
