Өмірзақ ауылының шекарасын (шегін) белгілеу туралы
Маңғыстау облысы Ақтау қалалық мәслихатының 2016 жылғы 9 желтоқсандағы № 6/68 шешімі және Маңғыстау облысы Ақтау қаласы әкімдігінің 2016 жылғы 9 желтоқсандағы № 2266 қаулысы
Осы редакция 2024 жылғы 10 қазанда енгізілген өзгерістеріне дейін қолданылды
Қазақстан Республикасының 2003 жылғы 20 маусымдағы Жер кодексінің 108-бабының 5-тармағына және Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6, 31-баптарына сәйкес Ақтау қаласының әкімдігі ҚАУЛЫ ЕТЕДІ және Ақтау қалалық мәслихаты ШЕШІМ ҚАБЫЛДАДЫ:
1. Қосымшаға сәйкес жалпы көлемі 416 гектар болатын Өмірзақ ауылының шекарасы (шегі) белгіленсін.
2. Ақтау қаласы әкімдігінің 2008 жылғы 15 қазандағы № 1039 және Ақтау қалалық мәслихатының 2008 жылғы 15 қазандағы № 13/126 «Өмірзақ ауылының шекарасын белгілеу туралы» бірлескен қаулысы мен шешімінің (нормативтік құқықтық актілерді мемлекеттік тіркеу Тізілімінде № 11-1-98 болып тіркелген, 2008 жылғы 15 қарашадағы «Маңғыстау» газетінде жарияланған) күші жойылды деп танылсын.
3. «Ақтау қалалық мәслихатының аппараты» мемлекеттік мекемесі (аппарат басшысы − Д.Телегенова) осы бірлескен қаулы және шешім Маңғыстау облысының әділет департаментінде мемлекеттік тіркелгеннен кейін, оның «Әділет» ақпараттық-құқықтық жүйесінде және бұқаралық ақпарат құралдарында ресми жариялануын қамтамасыз етсін.
