Қазақстан Республикасында ауыл мектептерін дамытудың «Ауыл мектебі - сапа алаңы» тұжырымдамалық тәсілдерін бекіту туралы
Қазақстан Республикасы Оқу-ағарту министрінің 2025 жылғы 31 қаңтардағы № 21 бұйрығы
«Білім туралы» Қазақстан Республикасы Заңының 5-бабы 2) тармақшасына сәйкес Қазақстан Республикасының ауылдық мектептерінде білім беру сапасын арттыру мақсатында БҰЙЫРАМЫН:
1. Осы бұйрықтың қосымшасына сәйкес Қазақстан Республикасында ауыл мектептерін дамытудың «Ауыл мектебі - сапа алаңы» тұжырымдамалық тәсілдері бекітілсін.
2. Қазақстан Республикасы Оқу-ағарту министрлігінің Орта білім беру комитеті (Қ.Б. Жұмашев) осы бұйрықты облыстық білім басқармалары мен Қазақстан Республикасы Оқу-ағарту министрлігінің ведомстволық бағынысты ұйымдарының назарына жеткізсін.
3. Облыстардың білім басқармаларының басшылары:
1) осы бұйрықты аудандық білім бөлімдерінің назарына жеткізсін;
2) Қазақстан Республикасында ауыл мектептерін дамытудың «Ауыл мектебі - сапа алаңы» тұжырымдамалық тәсілдерінің орындалуын қамтамасыз етсін.
4. Осы бұйрықтың орындалуын бақылау Қазақстан Республикасының
Оқу-ағарту бірінші вице-министріне (Н.В. Жумадильдаева) жүктелсін.
5. Осы бұйрық қол қойылған күнінен бастап күшіне енеді.
Қазақстан Республикасы
Оқу-ағарту министрінің
2025 жылғы 31 қаңтардағы
№ 21 бұйрығына
қосымша
Қазақстан Республикасында ауыл мектептерін дамытудың «Ауыл мектебі - сапа алаңы» тұжырымдамалық тәсілдері
I. Ағымдағы жағдайды талдау
1. Білім беру ұйымдарының инфрақұрылымы
Қазақстан аумағы кеңдігімен және халық тығыздығының төмендігімен сипатталады, бұл білім беру жүйесінде ауыл мектептерінің басымдығын анықтайды. Елдегі 6 878 мемлекеттік мектептің 73% (5 026) ауылдық жерлерде орналасқан, онда 1,5 млн бала (жалпы мектеп оқушыларының 42%) білім алады. Сонымен қатар ішкі және сыртқы көші-қонға байланысты ауыл мектептеріндегі білім алушылармен және осындай мектептер желісінің саны үнемі өзгеріп отырады.
| Өңірлер | Мемлекеттік мектептер саны | олардың ішінде | Білім алушылардың саны | олардың ішінде |
