Кедендік ресімдеу орталықтарында және Халықаралық көлік-логистикалық орталықтарында тауарларды кедендік декларациялау, кедендік тазарту және шығарумен байланысты кедендік операцияларды жүргізу кезінде мемлекеттік органдардың өзара іс-қимыл тәртібін бекіту туралы
Қазақстан Республикасы Премьер-Министрінің орынбасары - Қазақстан Республикасы Ауыл шаруашылығы министрінің 2016 жылғы 1 тамыздағы № 349, Қазақстан Республикасы Инвестициялар және даму министрінің 2016 жылғы 29 шілдедегі № 585, Қазақстан Республикасы Қаржы министрінің міндетін атқарушының 2016 жылғы 28 маусымдағы № 346 және Қазақстан Республикасы Ұлттық экономика министрінің 2016 жылғы 28 шілдедегі № 336 бірлескен бұйрығы
ҚР Премьер-Министрінің орынбасары - Қаржы министрінің 2023 жылғы 14 қыркүйектегі № 976, ҚР Ауыл шаруашылығы министрінің 2023 жылғы 29 қыркүйектегі № 345, ҚР Денсаулық сақтау министрінің 2023 жылғы 11 қыркүйектегі № 565 және ҚР Көлік министрінің 2023 жылғы 21 қыркүйектегі № 5 бірлескен бұйрығымен күші жойылды
«Қазақстан Республикасындағы кеден ісі туралы» Қазақстан Республикасы Кодексінің 18-бабы 1-тармағына сәйкес, сонымен қатар Кедендік ресімдеу орталықтарында және Халықаралық көлік-логистикалық орталықтарында тауарларды кедендік декларациялау, кедендік тазарту және шығарумен байланысты кедендік операцияларды жүргізу кезінде рәсімдерді жеделдету және оңайлату мақсатында, «Кедендік әкімшілендіруді оңайлату бойынша іс-шаралар жоспарын бекіту туралы» Қазақстан Республикасы Премьер-Министрінің 2016 жылғы 30 сәуірдегі № 32-ө өкімімен бекітілген, Кедендік әкімшілендіруді оңайлату бойынша іс-шаралар жоспарының 14, 15-тармақтарын іске асыру мақсатында, БҰЙЫРАМЫЗ:
1. Кедендік ресімдеу орталықтарында және Халықаралық көлік-логистикалық орталықтарында тауарларды кедендік декларациялау, кедендік тазарту және шығарумен байланысты кедендік операцияларды жүргізу кезінде мемлекеттік органдардың өзара іс-қимыл тәртібі бекітілсін.
2. Қазақстан Республикасы Ауыл шаруашылығы министрлігі, Инвестициялар және даму министрлігі, Қаржы министрлігі және Ұлттық экономика министрлігі осы бұйрықтың мүлтіксіз сақталуын қамтамасыз етсін.
