Сот-сараптамалық қызметті лицензиялау жөніндегі комиссияның жұмысы туралы Ережені бекіту туралы
Қазақстан Республикасы Әділет министрлігі 1999 жылғы 8 маусымдағы № 41 Бұйрығы
ҚР Әділет министрлінің 2010.12.03. № 82 Бұйрығымен күші жойылды
Қазақстан Республикасының «Сот сараптамасы туралы» Заңның 17, 18 - баптарының талаптарына және Қазақстан Республикасы Үкіметінің 1998 жылғы 9 қазандағы № 1021 қаулысымен бекітілген Қазақстан Республикасындағы сот-сараптама қызметін лицензиялау Ережесінің 15 тармағына сәйкес Бұйырамын:
Ұсынып отырған «Сот-сараптамалық қызметті лицензиялау жөніндегі комиссияның жұмысы туралы Ереже» бекітілсін.
Қазақстан Республикасы Әділет
министрлігінің 1999 жылғы
8 маусымдағы № 41 бұйрығымен
бекітілген
Сот-сараптамалық қызметті
лицензиялау жөніндегі комиссияның
жұмысы туралы
Ереже
1. Сот-сарамалық қызметтi лицензиялау жөніндегі комиссия Қазақстан Республикасы Үкіметінiң 1998 жылғы 9 қарашадағы № 1021 қаулысымен бекітілген Қазақстан Республикасындағы сот-сараптама қызметiн лицензиялау Ережесiнiң 15 тармағына сәйкес құрылады (одан әрi - Ереже).
2. Сот-сараптамалық қызметтi лицензиялау жөніндегі комиссия (одан әрi комиссия) лицензияны беру, лицензияны керi қайтарып алуға, сондай-ақ тоқтатуға және оның жұмысын қайтадан жаңартуға байланысты мәселелердi шешу мақсатында құрылады.
3. Комиссия өз жұмысында Қазақстан Республикасы Президентінің Заң күшi бар 1995 жылғы 17 сәуірдегі № 2200 «Лицензиялау туралы» Жарлығын және Ереженi басшылыққа алады.
