Қазақстан Республикасы әділет органдары ұсынымдарының үлгі нысандарын
бекіту туралы Әділет министрінің 2002 ж. 9 сәуірдегі № 55 бұйрығы
"Әдiлет органдары туралы" Қазақстан Республикасы Заңының 14-бабын iске асыру мақсатында БҰЙЫРАМЫН:
1. Қазақстан Республикасы әдiлет органдарының:
1) әдiлет органдарында мемлекеттік тiркеуге жататын, бiрақ одан өтпеген мемлекеттік органдардың нормативтiк құқықтық актілеріне қатысты;
2) орталық және жергiлiктi мемлекеттік органдардың Қазақстан Республикасы Конституциясының 4-бабына сәйкес жариялануы мiндеттi, бiрақ белгiленген тәртiппен жарияланбаған, олар қолданатын нормативтiк құқықтық актiлерге қатысты;
3) әдiлет органдарында мемлекеттік тiркеуге жататын, қолданыстағы заңдарға қайшы келетiн мемлекеттік органдардың нормативтiк құқықтық актілеріне қатысты заңды бұзушылықты жою туралы ұсынымдарының қоса берiлiп отырған Үлгi нысандары бекітілсiн.
2. Iшкi әкiмшiлiк департаментiнiң директоры I.Ұ.Рамазанов осы Бұйрықты Вице-Министрлердiң, Қазақстан Республикасының құрылымдық бөлiмшелерi мен аумақтық әдiлет органдары басшыларының назарына жеткiзсiн.
3. Осы Бұйрықтың орындалуын бақылау Әдiлет Вице-Министрi Р.Ш. Шамсутдиновке жүктелсiн.
Қазақстан Республикасы
Әдiлет министрiнiң
2002 жылғы 9 сәуірдегі
№ 55 бұйрығымен
бекітілген
Әдiлет органдарында мемлекеттік тiркеуге жататын, бiрақ одан
өтпеген мемлекеттік органдардың нормативтік құқықтық актілеріне
қатысты әділет органдары ұсынымының 1 нысаны
Мемлекеттік орган
Заңды бұзуды жою туралы
ұсыным
Әдiлет министрлігі (Әдiлет басқармасы) нормативтiк құқықтық актiлердi мемлекеттік тiркеу тәртібін реттейтiн заңдардың сақталуы бойынша (мемлекеттік органда) тексеру жүргiздi.
