Арнайы білім беру ұйымдарының үлгiлерi мен түрлерiнің тiзбесiн, арнайы білім алуға мұқтаж адамдарға арналған білім беру ұйымдарындағы қажеттi орын санын бекіту туралы
Қазақстан Республикасы Білім және ғылым министрлігінің 2003 ж. 29 қарашадағы № 787 бұйрығы
(2006.20.04. берілген өзгерістер мен толықтыруларымен)
ҚР Білім және ғылым министрінің 2013 жылғы 4 шілдедегі № 258 бұйрығымен күші жойылды
«Кемтар балаларды әлеуметтік және медициналық-педагогикалық түзеу арқылы қолдау туралы» Қазақстан Республикасы Заңының 6-бабының 4-тармағын iске асыру мақсатында бұйырамын:
1. Қоса берiлiп отырған арнайы білім беру ұйымдарының үлгiлерi мен түрлерiнiң тiзбесi, арнайы білім алуға мұқтаж адамдарға арналған білім беру ұйымдарындағы қажеттi орын саны бекітілсiн.
2. Жалпы орта білім департаментi (С. Ырсалиев) осы бұйрықты белгiленген тәртiппен Қазақстан Республикасының Әдiлет министрлігіне мемлекеттік тiркеуге ұсынсын.
3. Облыстық, Астана және Алматы қалаларының білім басқармалары (департаменттерi) осы бұйрықты барлық аудандық, қалалық білім бөлiмдерi мен білім беру ұйымдарына жеткiзсiн.
4. Осы бұйрықтың орындалуын бақылау вице-министр Қ.Н. Шәмшидиноваға жүктелсiн.
Министрдің
мiндетiн атқарушы
Қазақстан Республикасының
Білім және ғылым министрлігінің
2003 жылғы 29 қарашадағы
№ 787 бұйрығымен бекітілген
Арнайы білім беру ұйымдарының үлгiлерi мен түрлерiнiң тiзбесi, арнайы білім алуға мұқтаж
адамдарға арналған білім беру ұйымдарындағы қажеттi орын саны
1. Арнайы білім беру ұйымдарының үлгiлерi
1. «Кемтар балаларды әлеуметтiк және медициналық-педагогикалық түзету арқылы қолдау туралы» Қазақстан Республикасы Заңының 6-бабының 4-тармағын iске асыру мақсатында, арнайы білім алуды қажет ететiн адамдар үшiн мынадай арнайы түзету ұйымдары белгiленедi:
1) мектепке дейiнгi білім беру мен тәрбиелеу түзету ұйымдары (орнын толтыру);
2) түзету білім беру ұйымдары;
3) кәсiптiк бастауыш және кәсiптiк орта білім берудiң түзету ұйымдары;
4) арнайы білім беру ұйымдары.
